Tilraunaflug með TF-FUN 10. febrúar 2009

Við Sigurjón Valsson á TF-FUN og Hafsteinn Jónasson á TF-MOS fórum í tilraunaflug í gær. Tilgangurinn var að að sjá hvaða aðstæður þarf til að fá skrúfu
til að mynda heilan hring eða amk. vera vel á hreyfingu á loftmyndum. Eins og sjá má eru flestar myndirnar með hreyfða skrúfu þar sem skrúfu má sjá á annað
borð. Á nokkrum mætti þó halda að Citabrían væri orðin svifffluga þar sem varla er hægt að greina neina skrúfu. En allavega tókst okkur að mestu að forðast
kyrru blöðin, en mjög margar myndir af þeim 955 sem ég tók voru allmikið eða mjög mikið hreyfðar. En hér er ekki um filmur að ræða og því ekkert við slíku
að segja.
Almennt má segja að til að fá skrúfuna til að mynda hring þarf að hafa lokarahraða lágan eða 1/60-1/80 fyrir tveggja blaða skrúfu og 1/100-1/120 fyrir þriggja
blaða skrúfu. Allt fer þetta þó eftir snúningshraða skrúfunnar en á flestum smávélum er hann þó hinn sami og hreyfilsins. Hraðinn 1/100 gefur þó verulega góða
hreyfingu á skrúfur en minnkar þó að verulegu leyti hættuna á hreyfingu allrar vélarinnar miðað við 1/60.