TF-GMG verður ný klúbbflugvél FKM

Cessna 170B TF-GMG var sótt að Geitamel eftir að gengið hafði verið frá kaupum á henni í stað TF-MOS.
Sigurjón Valsson flaug henni að Tungubökkum og fórum við Jón Sverrir á móti honum á TF-SPA. Vinstra megin
á henni er lúga sem hægt er að opna og er því hægt að taka myndir án þess að plastið sé að trufla. TF-GMG eða
Guð Minn Góður lítur mjög vel út og er smekkleg með hjólahlífarnar. Þær hafa hinsvegar verið teknar af til að
rýma fyrir stærri dekkjum. Fyrsta myndin sýnir vélina hjá fyrri eigendum. Hún er tekin í Reykjavík, 11 október 2008.
Mynd 2 og 3 eru teknar á 1/250 sek. en 4 til 7 teknar á 1/100 sek. Vel má sjá muninn á skrúfuhreyfingunni. Síðasta
myndin var tekin í lágu aðflugi fyrir fyrstu lendingu á Tungubökkum.