TF-SIF hin nýjasta kemur til Íslands í fyrsta sinn

Hin nýja Bomdardier Dash 8-300 vél gæslunnar kom ný til landsins 1. júlí 2009. Þyrlurnar TF-GNA og TF-LIF fóru til móts við hana og það gerðum við Hafsteinn Jónasson einnig á hinni nýkeyptu klúbbvél FKM, Cessnu 170, TF-GMG. Vegna uppsetningar á fylkingunni misstum við af henni suður við Straumsvík, en styttum okkur þá leið yfir Reykjavík og biðum eftir vélunum þrem við Gróttu. Fylgdum við þeim síðan eftir í aðfluginu að braut 19 og síðan í yfirfluginu eftir brautinni og framhjá skýli Gæslunnar, eins og sést á myndunum.