North American B-25D Mitchell í Reykjavík 29.8.2009

Mitchell vélin N988972, með gælunafninu Grumpy kom við á Reykjavíkurflugvelli í gær og fór í morgun, 30. ágúst.
Hún kom beint frá Duxford flugvelli í Englandi og fór héðan beint til Goose Bay í Labrador á leið sinni til Seattle,
Washington. Hún hefur verið í Englandi frá 1987 og lengst af í eigu The Fighter Collection á Duxford, en í mars 2009
var hún keypt af Historic Flying Foundation í Seatlle og var nú á leið þangað með eigandann, John Sessions um borð.
Meiri upplýsingar um vélina og áhöfn má fá á bloggveg vélarinnar, http://historicflight.org/grumpyreturns/
Mér var leyft að fara til móts við vélina og taka af henni myndir yfir Reykjavík. Bestu þakkir fær flugmaðurinn minn
Þorsteinn Jónsson sem flaug Cessnu Skyhawk TF-FTZ frá flugskóla Íslands af einstakri fagmennsku. Ekki síðri þakkir
eiga flugumferðastjórar á Reykjavíkurflugvelli og í flugstjórnarmiðstöð fyrir frábæra aðstoð við ljósmyndaflug sem næstum tókst ekki.

Breiðholtið í baksýn.	Braut 31 í baksýn	Braut 01 undir nefinu	Perlan í forgrunni
Miðbærinn	Hjólin fara niður yfir sundunum	Úti á sjó	Yfir Seltjarnarnesi
Takið eftir hve þung vélin er en það má merkja á dekkjunum.	Flugtak 30.8. kl. 0909.	Á leið til Goose Bay