LAT103 - Latína

Áfangalýsing

Námsefninu má í heild skipta í nokkra þætti. Um er að ræða í fyrsta lagi að nemendur geti ráðið við meðalþungan latneskan texta. Í öðru lagi verður farið talsvert í latneska orðstofna og tengsl latínu við Evrópumálin. Þá skal einnig litið til bókmennta Evrópumanna í fornöld og á miðöldum og sögu þeirra gerð nokkur skil.

Námsþættir

Farið verður í eftirfarandi námsþætti í latínu:

• Hljóðfræði og framburð.
• Nafnorðabeyginguna.
• Sagnir í framsöguhætti.
• Boðhátt og kennimyndir sagna.
• Forsetningar og föll lýsingarorða og eignarfornöfn.
• Tengsl latínu við önnur mál. og valda þætti í málvísindum.
• Textalestur og upprunafræði (etymologíu) nýju málanna.
• Bókmenntasaga Rómverja verður reifuð og helstu málaættir veraldar teknar fyrir.

Kennslufyrirkomulag

Glærur, æfingar, útskýringar, stílar og verkefni. Mikilvægt er að nemendur vinnu hverja lotu vel og skili inn verkefnum/stílum. 

Námsmat

Eftirfarandi þættir verða teknir inn í lokaeinkunn:

• Stílar og verkefni (40%)
• Lokapróf (60%)

Námsgögn

• Árni Hermannsson, Kennslubók í latínu I. Fæst hjá kennara eftir að kennsla hefst.
• Leshefti í latínu.  Fæst hjá kennara eftir að kennsla hefst.
• Latnesk-ensk/ensk-latnesk orðabók (Collins lítil orðabók er góð og ódýr).