TÖN 212 - Upplýsingafræði (áður TÖN312)

Áfangalýsing

Í áfanganum er lögð áhersla á að nemandi læri að nota fjölbreyttan hugbúnað og upplýsingar á margvíslegu formi við lausn og framsetningu viðfangsefna í námi sínu. Hafi skilning á upplýsingaöflun og upplýsinga- og menningarlæsi og geti lagt mat á gæði og áreiðanleika upplýsinga. Átti sig á lagalegri og siðfræðilegri hlið upplýsingaflæðis, höfundarétti og upplýsingalögum.

Einnig að nemandi öðlist góða yfirsýn yfir sögu og þróun Netsins og rafrænna viðskipta. Nái færni í notkun dagbókar þar sem skráð er námsferli nemandans. Læri möguleika HTML og XHTML-forritunarmálsins til að útbúa eigin síðu og kynnist vefhönnun. Síðast en ekki síst að nemandi nái að temja sér sjálfstæði í vinnubrögðum og færni í samvinnu.

Markmið

Nemandi

• hafi á valdi sínu notkun dagbókar og ferilmöppu og geti sagt frá og metið nám sitt á málefnalegan hátt
• þekki helstu atriði í sögulegri þróun Netsins
• geti nýtt sér möguleika Netsins í námi og starfi, þ.e. hafi þekkingu á því hvernig hagnýta má upplýsingatækni í tengslum við nám og starf
• þekki aðeins til opins hugbúnaðar
• þekki vel möguleika póst- og samskiptaskiptaforrita, m.a. Outlook og Gmail
• þekki helstu tegundir upplýsingasafna, gagnasöfn og leitarvélar og geti aflað sér upplýsinga um fjölbreytt efni eftir margvíslegum leiðum
• þekki hugtökin upplýsinga- og menningarlæsi og viti hvað þau fela í sér
• geri sér grein fyrir möguleikum myndrænna upplýsinga t.d. í kvikmyndum og ljósmyndum
• þekki helstu aðferðir til skráningar heimilda og geti metið gæði, áreiðanleika, uppruna og gildi upplýsinga
• þekki aðeins til myndvinnslu
• þekki helstu lagaleg, siferðisleg og félagsleg atriði er varða söfnun, geymslu og miðlun upplýsinga
• kunni helstu skipanir HTML og XHTML forritunarmálsins og geti nýtt þær til einfaldrar vefsíðugerðar
• geti sett fram þekkingu sína og upplýsingar á tölvutækan hátt (stórar skýrslur) og á vef (miðlun efnis á ýmsa vegu) hafi á valdi sínu notkun dagbókar og ferilmöppu og geti sagt frá og metið nám sitt á málefnalegan hátt

Námsmat

• Skilaverkefni gilda 30%
• Lokapróf gildir 70%

Til að ná áfanganum, þarf nemandi að ná 4,0 á lokaprófi.   

Námsgögn

• Lesheftið Upplýsingafræði (Þróað læsi) – Uppýsinga- og menningarlæsi. Ný útgáfa.
  Fæst hjá kennara áfangans, Sólveigu Friðriksdóttur, GSM: 864-2873, kostar 3.500 kr.
• Viðbótarlesefni og verkefni frá kennara.