21. des. 2016 : Endurtektarpróf janúar 2017

Prófgjald er krónur 9000 pr. áfanga. Undanskildir eru VÉLR1FI02 og íþróttir en prófgjald er kr. 3.000 í þeim áföngum.

Greiða skal prófgjald á skrifstofu skólans áður en farið er í prófið. Einnig er hægt er að leggja inn á reikning skólans:

Reikningur: 515-26-431038
Kennitala: 690269-1399

Mikilvægt er að fram komi kennitala nemanda.

Nemendur skulu hafa skilríki meðferðis í prófin.

Ef eitthvað er óljóst varðandi próftöfluna, sendið þá póst á gunninga@verslo.is

Prófin hefjast klukkan 16:00.
Próftöfluna má nálgast hér

 

20. des. 2016 : Útskrift

Þriðjudaginn 20. desember voru þrír nemendur útskrifaðir frá Verzlunarskóla Íslands. Oddný Björg Halldórsdóttir lauk verslunarprófi og Selma Dögg Björgvinsdóttir og Ásthildur Emma Ástvaldsdóttir voru útskrifaðar með stúdentspróf. Skólinn óskar þeim innilega  til hamingju með áfangann.

20. des. 2016 : Bóksala VÍ

Sala á bókum og heftum sem ekki eru seld í bókabúðum fer fram á Bókasafni VÍ (4. hæð).  Bóksalan verður opin á eftirfarandi tíma:

14. des. 2016 : Birting einkunna, prófsýning, sjúkra- og endurtektarpróf

Sjúkrapróf eru á föstudaginn hjá öllum bekkjum. Prófað er klukkan 8:30.

Einkunnir verða birtar í INNU mánudagskvöldið 19.des.

Þriðjudaginn 20.des verður prófsýning í skólanum frá klukkan 10:00 til 11:30. Nemendum gefst þá kostur á að koma og skoða prófin sín. Í prófsýningunni má taka myndir af prófinu sínu og eru nemendur sem þurfa að endurtaka áfanga hvattir til að gera það.

Kennsla hefst miðvikudaginn 4.janúar samkvæmt stundaskrá. Nemendur sjá nýjar stundatöflur á INNU í næstu viku.

Endurtektarpróf verða haldin 4. 5. og 6. janúar. Prófin eru haldin klukkan 16:00. Nemendur eru ekki í fríi frá skóla þessa daga þó þeir þurfi að taka próf.

30. nóv. 2016 : Bókasafn VÍ

Vegna próflesturs verður afgreiðslutími safnsins frá 30. nóv. til og með 15. des. eftirfarandi:

18. nóv. 2016 : Dagur íslenskrar tungu

Í tilefni af degi íslenskrar tungu var rapparinn góðkunni, Erpur Eyvindarson, fenginn til að koma í Versló og fræða nemendur um rappið, tilurð þess og hvert efnið í textana er sótt. Erpur lét gamminn geysa og útskýrði á hressilegan hátt hvernig rapptextar hans verða til og hafi einhver haldið að það sé tilviljunum háð er það mesti misskilningur.  Þvert á móti sækir hann efni m. a.  til gamalla handrita frá 13. öld, í talmál og slangur nútímans, grípur til gamalla orða og endurlífgar þau. Forminu má líkja við hið forna form þulunnar sem byggist á endarími, stuðlum og höfuðstöfum. Þetta útskýrði Erpur með því að taka nokkur rappdæmi eftir þörfum. Erpur átti salinn og fékk góðar viðtökur

17. nóv. 2016 : Rafrettur bannaðar

Nýrri reglu hefur verið bætt við Skólareglur VÍ

8.4. Notkun á rafrettum er bönnuð í húsakynnum skólans og á lóð hans. Þá eru rafrettur einnig bannaðar á samkomum og ferðalögum sem eru í nafni skólans.

Images

16. nóv. 2016 : Prófabankinn

Prófabankinn vegna haustprófa 2016 er kominn á Office 365. Nemendur þurfa að skrá sig inn með Verzló netfangi og lykilorði.

14. nóv. 2016 : Erlendir gestir í heimsókn

Dagana 6.-12. nóvember fékk skólinn til sín erlenda gesti. Annars vegar var um að ræða Nordplus verkefni þriggja landa, Íslands, Finnlands og Svíþjóðar sem ber yfirskriftina Jobba i Norden og er um aþjóðlegan vinnumarkað, vinnumenningu og hvernig eigi að bera sig að ef sótt er um vinnu erlendis. Erlendu gestirnir héldu áhugaverða fyrirlestra fyrir nemendur VÍ, ásamt því að farið var í heimsóknir í fyrirtæki, stofnanir og banka. Þátttakendum, bæði nemendum og kennurum bar saman um að vikan hefði verið mjög vel heppnuð.

Hins vegar var um að ræða fyrsta fund í tveggja ára Erasmus+ verkefni 6 Evrópulanda sem ber yfirskriftina Welcome to My City. Þema verkefnisins er hvernig við tökum á móti erlendum gestum, einkum ungu fólki, hvort sem þeir eru ferðamenn, innflytjendur eða flóttafólk. Nemendur unnu verkefni, fengu fyrirlesara í skólann og fóru í heimsókn í fyrirtæki. Erlendu nemendurnir gistu hjá íslenskum gestgjöfum. Vikan hjá þessum hópi var einnig einkar vel heppnuð.

8. nóv. 2016 : Skákmót

Skáknefnd VÍ efndi til skákmóts nú á dögunum. Sigurvegari mótsins var Leifur Þorsteinsson. Leifur fékk afhendan farandbikar og er nafn hans letrað á hann. Við óskum honum til hamingju með sigurinn.

7. nóv. 2016 : Vinningshafar í edrúpottinum

Búið er að draga úr edrúpottinum og eru vinningar að þessu sinni eingöngu frá skólanum. Aldrei hafa jafnmargir blásið en 343 blésu en ballgestir vou 544 sem segir okkur að 63% ballgesta blésu á þessu balli sem er glæsilegt.

Vinningshafar að þessu sinni eru:

Guðjón Ari Logason 1-D, 10 máltíðakort í Matbúð

Berglind Egilsdóttir 1-H, 10 máltíðakort í Matbúð

Birna Kristín Eiríksdóttir 1-V, 10.000 kr frá skólanum

Ósk Sigurrós Ágústsdóttir 2-S, 10.000 kr frá skólanum

Tómas Arnar Þorláksson 2-R, miði á jólaball NFVÍ

Margrét Nilsdóttir 5-D, 10.000 kr frá skólanum

Magnús Jóhann Hjartarson 5-U, miði á jólaball NFVÍ

Ragnheiður Katrín Erlendsdóttir 6-I, miði á jólaball NFVÍ

Víkingur Goð Sigurðarson 6-X, 10.000 kr frá skólanum

Unspecified

17. okt. 2016 : Hraustasti framhaldsskóli Íslands

Síðastliðinn laugardag, 15. október, fór fram Þrekmót framhaldsskólanna. Keppendur í liði Verzlunarskólans voru Alexander Pétur Kristjánsson, Andrea Agla Ögludóttir, Sigurður Darri Rafnsson og Linda Dís Kristjánsdóttir. Átta lið mættu til leiks og var keppt í sex keppnisgreinum.

Lið Verzlunarskólans bar sigur úr býtum og hlaut titilinn „Hraustasti framhaldsskóli Íslands“ . Liðsmenn fengu afhentan bikar sem geymdur verður í glerskáp í skólanum.

Við óskum þeim innilega til hamingju.

Síða 1 af 5