16. jún. 2016 : Innritun lokið

Innritun lokið

Nú er innritun í Verzlunarskólann lokið. Alls bárust 602 umsóknir,  445 sem val 1 og 157 sem val 2. Í ár voru 336 nemendur innritaðir á fyrsta ár. Það er alltaf sárt að þurfa að hafna góðum nemendum en vonandi eru allir, sem ekki komust í Verzló, sáttir við sinn varaskóla, enda eru allir framhaldsskólar landsins góður valkostur.

16. jún. 2016 : Lokað vegna sumarleyfa

Skrifstofur skólans verða lokaðar vegna sumarleyfa frá mánudeginum 20.06.2016 til miðvikudagsins 03.08.2016.

Fjarnámspróf verða 4. - 12. ágúst. Sjá próftöflu hér.

Skólasetning verður fimmtudaginn 18. ágúst kl. 10:00 í hátíðasal skólans.

14. jún. 2016 : Undirbúningsnámskeið í stærðfræði

Til þess að tryggja sem jafnastan undirbúning nemenda í stærðfræði verður boðið upp á sérstakt undirbúningsnámskeið (STÆ-Undirbúningur) fyrir nýnema í ágúst. Um þriggja daga staðlotu er að ræða og fer kennsla fram dagana 11., 12. og 15. ágúst í húsnæði Verzlunarskólans. Námskeiðið verður í umsjá stærðfræðikennara skólans. Nemendur geta valið um að vera klukkan 9-12 eða 13-16.