Jónatengi

Þegar málmur og málmleysingi hvarfast, flyst gildisrafeind (-rafeindir) frá málminum (rauður á myndinni) til málmleysingjans (blár á myndinni). Málmurinn fær þannig jákvæða hleðslu (verður jákvæð jón) og málmleysinginnb neikvæða hleðslu (verður neikvæð jón). Við rafeindaflutninginn fá bæði atómin áttuhvel.

Jónatengi er efnatengi sem myndast þegar jákvæðar jónir (katjónir) og neikvæðar jónir (anjónir) dragast hver að annarri. Jónirnar mynda kristallabyggingu þar sem anjónir eru umkringdar katjónum og öfugt.

Þegar tveir málmleysingjar hvarfast innbyrðir, deila atómin með sér rafeindum þannig að öll atómin fá fullskipað ysta hvel og samgilt tengi myndast.

Til eru tvær gerðir af samgildum tengjum, óskautuð samgild tengi og skautuð samgild tengi. Í áskautuðum samgildum tengjum deilast rafeindirnar jafnt á milli atómanna.

Þótt engin varanleg skaut myndist í sameind sem er mynduð úr atómum sam hafa sama rafdrægnigildi (óskautuð samgild tengi), þá myndast tímabundin, veik  hleðsla vegna tilviljanakenndra hreyfinga rafeindanna innan sameindarinnar.

Skautuð samgild tengi myndast ef munur er á rafdrægnigildi frumefnanna, sem mynda sameindina og hlutahleðslur myndast.

Rafeindirnar eru að jafnaði nær atómum sem hafa hærra rafdrægnigildi og sameindin verður skautuð. Hvort hún verður skautuð út á við fer eftir lögun hennar.