Verzlunarskóli Íslands - Námsframboð

Félagsfræðabraut

Tue, 2 Dec 2008 00:00:00 +0000

Innan félagsfræðabrautar er boðið upp á eina leið innan kjörsviðs, þ.e. alþjóðasvið. Markmið námsins er að veita nemendum góðan grunn í sögu og menningu helstu viðskiptalanda okkar. Einnig er lögð áhersla á að kynna helstu alþjóðastofnanir og starfsemi þeirra. Nám á félagsfræðabraut veitir góða undirstöðu fyrir háskólanám í þjóðfélagsgreinum, viðskiptum, almannatengslum og fréttamennsku.

Lesa meira

Málabraut

Tue, 2 Dec 2008 00:00:00 +0000

Markmið brautarinnar er að búa nemendur undir tungumála- og hugvísindanám á háskólastigi. Lögð er höfuðáhersla á helstu þjóðtungur Evrópulanda og að veita nemendum innsýn í fræðaheim málvísinda. Slíkur undirbúningur er góður grunnur fyrir háskólanám í tungumálum og býr nemendur undir þátttöku í heimi alþjóðasamskipta.

Lesa meira

Náttúrufræðibraut

Fri, 20 Mar 2009 09:45:00 +0000

Innan náttúrufræðibrautar er boðið upp á tvær mismunandi leiðir innan kjörsviðs, þ.e. eðlisfræðisvið og líffræðisvið. Meginmarkmið brautarinnar er að búa nemendur undir frekara nám á háskólastigi í verkfræði, læknisfræði, raunvísindum og öðrum greinum þar sem stærðfræði og raungreinamenntunar er krafist. Á eðlisfræðisviði er áhersla lögð á stærðfræði og eðlisfræði. Á líffræðisviði er áhersla lögð á líffræði og efnafræði ásamt stærðfræði.

Lesa meira

Verslunar- og frumkvöðlabraut

Mon, 21 Mar 2011 14:04:00 +0000

Námsbrautin býr nemendur undir störf í verslun og við þjónustu ásamt því að gefa margskonar innsýn í rekstur og stofnun fyrirtækja. Brautin er tveggja ára nám á fjórum önnum.

Þessi leið hentar vel fyrir útskrifaða nemendur úr 10. bekk sem ekki hyggjast leggja stund á nám til stúdentsprófs en vilja mennta sig til þess að auka forskot á vinnumarkaði.

Markmið brautar:
- Að búa nemendur undir störf í verslun og við þjónustu
- Að efla almenna og persónulega færni nemenda til að takast á við fjölbreytt og krefjandi verkefni á vinnumarkaði
- Að veita nemendum faglegar forsendur til að sjá um verkefnastjórnun
- Að efla kunnáttu og þor til að takast á við ný námstækifæri á vettvangi starfs eða skóla.
- Að efla tölvunotkun og kunnáttu í helstu forritum sem eru notuð í námi

Viðskiptabraut

Fri, 20 Mar 2009 09:44:00 +0000

Boðið er upp á tvö mismunandi svið: viðskiptasvið og hagfræðisvið. Áhersla er lögð á viðskiptagreinar og aðrar skyldar greinar þannig að nemendur geti haldið áfram námi í háskóla, í sérskólum á háskólastigi eða farið út á vinnumarkaðinn að loknu stúdentsprófi.

Lesa meira