Verzlunarskólinn mætir FSU í átta liða úrslitum Gettu betur. Viðureignin fer fram á föstudaginn og er í beinni útsendingu á RÚV.

Sigríður María Egilsdóttir bar á dögunum sigur úr býtum í ræðukeppni ESU á Íslandi. Þetta er í annað skipti sem Sigríður vinnur keppnina sem fram fer á ensku. Halldór Atlason úr 4-X komst einnig í úrslit.

Verzlunarskólinn stendur fyrir opnu húsi 23. febrúar. Þar geta nemendur og forráðamenn þeirra kynnt sér nánar starfsemi skólans.

Vikuna 6.-10. febrúar fékk Verzlunarskólinn gesti frá Litháen og Noregi í heimsókn. Heimsóknin var liður í Nordplus verkefni sem nefnist Redesign, Innovation and Entrepreneurship.

Nemendamót VÍ fer fram fimmtudaginn 2. febrúar. Bugsy Malone og Páll Óskar halda uppi stuðinu þetta árið. Nemendamótið verður haldið í Íþróttahúsi KR þetta árið og hefst klukkan 22:30.

Fyrsti fimmtudagur febrúarmánaðar er ævinlega stór dagur í lífi Verzlinga en þann dag fer árlegt Nemendamót VÍ fram. Nemendamótsdagurinn er órjúfanlegur hluti skólans og hefðin sem honum fylgir mikil. Þessi dagur er hápunktur félagslífsins og eðlilega miklar væntingar sem honum fylgja. Algengt er að bekkirnir byrji daginn snemma og hittist yfir morgunverði í heimahúsi áður en farið er á leiksýninguna, sem að þessu sinni er byggður á kvikmyndinni Bugsy Malone.