Útskrift
Föstudaginn 31. ágúst útskrifuðust Þorgeir Vilberg Sigurðsson og Elínborg Harpa Önundardóttir með stúdentspróf frá Verzlunarskóla Íslands. Þorgeir útskrifaðist af náttúrufræðibraut, eðlisfræðisviði og Elínborg af félagsfræðabraut, alþjóðasviði.
Hreyfing er málið
Eins og áður hefur komið fram tekur Verzlunarskóli Íslands þátt í átakinu um heilsueflandi framhaldsskóla og hlaut eins og frægt er orðið Gulleplið fyrir frammistöðu sína í átakinu í fyrra. Síðasta skólaár var áhersla lögð á bætt mataræði nemenda og starfsmanna en í ár verður áherslan lögð á hreyfingu.
Verzlunarskólinn hlýtur Gulleplið 2012
Gulleplið er sérstök viðurkenning til þess framhaldsskóla sem hefur skarað fram úr í heilsueflingu á hverju skólaári og í ár tilkynnti dómnefnd á vegum Embættis landlæknis að Verzlunarskóli Íslands hefði borið sigur úr býtum.
Skólasetning 2012
Mánudaginn 20. ágúst var Verzlunarskóli Íslands settur í 108. skipti. 1236 nemendur eru skráðir í dagskóla þetta árið og því var margt um manninn í Bláa sal og á marmaranum þegar Ingi Ólafsson setti skólann. Af þessum 1236 nemendum eru 340 nýnemar.
Nýir kennarar Verzlunarskólans haustið 2012
Nokkuð er um breytingar á kennaraliði Verzlunarskólans þetta skólaárið. Alls létu fimm kennarar af störfum við skólann en 11 nýir bættust við.
Skólasetning 20. ágúst 2012
Verzlunarskóli Íslands verður settur mánudaginn 20. ágúst klukkan 10:00.
Athöfnin fer fram í hátíðarsal skólans (Bláa sal) og er ætlast til þess að allir nemendur mæti tímanlega.
Vegna mikillar aðsóknar er afar mikilvægt að nýnemar mæti, að öðrum kosti geta þeir átt á hættu að verða af skólavist.
Bókalistann fyrir veturinn má finna undir flipanum „Nemendur“ en einnig er flýtivísun hér.
Sala á bókum og heftum sem ekki eru seld í bókabúðum fer fram í fundarherbergi á 3. hæð mánudaginn 20. ágúst kl. 11:00 - 15:00 og þriðjudaginn 21. ágúst kl. 8:30 – 13:00.
SAT próf
Næstu SAT próf sem haldin verða í Verzlunarskólanum verða 6. október og 4. maí 2013.