Vikuna 7. – 12. október komu 28 nemendur frá bænum Falun í Svíþjóð í heimsókn í skólann. Heimsókn þeirra var liður í Nordplus verkefni sem Verzlunarskólinn og Lugnetgymnasiet eru þátttakendur í og ber yfirskriftina Business Culture, Entreprenouership and Educational practices.

Fimmtíu og níu nemendur í valgreininni Rússland: Saga og menning, fóru í fimm daga vettvangsferð til Sankti Pétursborgar á dögunum 17. til 22. október. Rússneska utanríkisráðuneytið og utanríkismálaskrifstofa Sankti Pétursborgar var hópnum innan handar og greiddu götu hans í ferðinni.

Eins og alþjóð veit varð íslenska landsliðið í hópfimleikum Evrópumeistari í greininni um helgina, bæði í kvenna- og stúlknaflokki. Verzlunarskólinn átti fjóra fulltrúa, þrjár í kvennaliðinu og eina í stúlknaliðinu.

Þriðjudaginn 16. október fór framtíðarþing VÍ fram í íþróttasal skólans. Á þinginu ræddu nemendur og kennarar stefnumótun skólans til framtíðar. Alls tóku 260 manns þátt á þinginu en þeir Bjarni Snæbjörn Jónsson og Sigurjón Þórðarson aðstoðuðu við framkvæmdina.

Miðvikudaginn 17. október var kennt eftir stundaskrá Hraða og Hreyfingar. Þá er kennslustundin 40 mínútur hálfan daginn til að búa til pláss fyrir klukkutíma hreyfingu í síðasta tíma fyrir hádegi.

Fyrstu vikuna í október tóku fjórir nemendur fjórða bekkjar (Eyþór Eiríksson 4Y, Gylfi Tryggvason 4X, Harpa Stefánsdóttir 4R og Rakel Guðrún Óladóttir 4S) þátt í nemendaskiptum við St. George‘s High School á Rhode Island í Bandaríkjunum. Gistu þeir hjá kennurum og nemendum skólans og tóku þátt í skólastarfinu.

Eins og aðrir framhaldsskólar stendur Verzlunarskóli Íslands á tímamótum. Stutt er í að ný lög um framhaldsskóla taki gildi, klukkutíma kennslustundir kalla á breyttar kennsluaðferðir og síðast en ekki síst hefur tækninni fleygt fram. Þriðjudaginn 16. október munu nemendur og kennarar sitja framtíðarþing VÍ til að ræða stefnumótun til framtíðar.

Eins og flestir vita er október mánuður Bleiku slaufunnar, árveknis- og fjáröflunarátaks Krabbameinsfélags Íslands gegn krabbameinum hjá konum. Að því tilefni voru landsmenn hvattir til að klæðast einhverju bleiku föstudaginn 12. október og lét Verzlunarskólinn ekki sitt eftir liggja í þeim efnum

Föstudaginn 12. október fá forráðamenn nemenda aðgang að miðannarmati í gegnum foreldraaðganginn á verslo.is. Tilgangurinn með mati á miðri önn er að gefa nemanda og forráðamönnum hans upplýsingar um námslega stöðu nemandans miðað við vinnuframlag hans.

Nýlega fóru tveir hópar nemenda á Alþjóða- og Málabraut í heimsókn til Berlínar annars vegar og Madrídar hins vegar. Í ferðunum kynntust nemendur menningu, sögu og listum borganna og þóttu báðar ferðirnar heppnast mjög vel. Meðfylgjandi eru frásagnir úr ferðunum auk nokkurra mynda.

Í dag, föstudaginn, 5. október, munu nemendur Verzlunarskólans etja kappi við nemendur Menntaskólans í Reykjavík á svokölluðum VÍ-mr degi (sem MR-ingar kalla MR-ví daginn). Þessi dagur á sér tveggja áratuga sögu en upphaf hans má rekja til mikils rígs á milli skólanna, sérstaklega þegar VÍ var við Grundarstíg.