Fyrsti skóladagur nýnema, þann 21. ágúst nk., verður að hluta til með óhefðbundnu sniði.  Þennan dag munu forvarnar- og félagslífsfulltrúar, námsráðgjafar, stjórn nemendafélagsins, skólastjórnendur og fleiri ganga í heimastofu bekkjanna og veita ýmsar upplýsingar um starfsemi skólans.

Verzlunarskóli Íslands var settur í dag, miðvikudaginn 20. ágúst í 110. skipti. Samtals eru 1245 nemendur skráðir í dagskóla á þessari önn og því var margt um manninn í Bláa sal og á Marmaranum þegar Ingi Ólafsson setti skólann.

Verzlunarskóli Íslands verður settur miðvikudaginn 20. ágúst klukkan 10:00. Athöfnin fer fram í hátíðarsal skólans (Bláa sal) og er ætlast til þess að allir nemendur mæti tímanlega. Vegna mikillar aðsóknar er afar mikilvægt að nýnemar mæti, að öðrum kosti geta þeir átt á hættu að verða af skólavist.
Bókalistann fyrir veturinn má finna undir flipanum „Nemendur“ en einnig er flýtivísun hér.
Sala á bókum og heftum sem ekki eru seld í bókabúðum fer fram í fundarherbergi á 3. hæð miðvikudaginn 20. ágúst kl. 11 - 15 og fimmtudaginn 21. ágúst kl. 8:30 – 13.

Þeim sem gengur erfiðlega að skrá sig inn á Moodle er bent á að fara beint á moodle.verslo.is þ.e. skrifa moodle.verslo.is í reitinn fyrir slóð/url í vafranum og velja síðan Innskrá efst í hægra horninu.