Samstarf við heilsugæsluna
Fyrr á árinu gerðu Heilsugæsla höfuðborgarsvæðisins og framhaldsskólar í Reykjavík með sér samning um þróunarverkefni fyrir skólaárið 2022-2023. Verkefnið byggist á samstarfi heilsugæslunnar og framhaldsskóla þar sem hjúkrunarfræðingar munu nú sinna skólahjúkrun á framhaldsskólastigi.
Tveir hjúkrunarfræðingar frá Heilsugæslunni Efstaleiti verða því með viðveru í skólanum í vetur á þriðjudögum og miðvikudögum, þær Birna Ýr og Gunnhildur. Þær munu koma til með að sinna heilsueflingu og heilsuvernd nemenda við skólann ásamt fræðslu fyrir nemendur á öðru ári.
Tveir nemendur frá Verzlunarskólanum fluttu erindi á ráðstefnunni "Velferð barna"
Dagana 19.-21. september s.l. var haldin ráðstefna í Reykjavík með yfirskriftinni ,,Velferð barna“. Að ráðstefnunni stóðu Samtök norrænna og írskra stjórnenda í menntamálum, frá sveitarfélögum, ráðuneytum menntamála og háskólum þátttökulandanna. Samtök þessi kallast Kurs21Nord og hefur það að markmiði að fjalla um það sem efst er á baugi í menntamálum hverju sinni og miðla nýjungum og reynslu á milli aðildarlandanna. Ráðstefna þessi er haldin árlega og skiptast löndin á að halda hana. Þetta er í annað sinn sem hún er haldin á Íslandi.
Nemendur á 1. ári taka þátt í rannsókn á áhrifum ljóss á dægursveiflur og svefn
Verzlunarskólinn er samstarfsaðili rannsókn á áhrifum ljóss á dægursveiflur og svefn ungmenna. Markmið þessarar rannsóknar er að skoða hvort mismunandi lýsing í skólastofum hafi áhrif á svefn, dægursveiflur, hugræna virkni og líðan ungmenna. Rannsóknir hafa sýnt að svefnvandi er algengt vandamál meðal ungmenna sem getur haft margvíslegar líffræðilegar, tilfinningalegar, hugrænar og sálrænar afleiðingar í för með sér. Ein möguleg ástæða svefnvanda er talin vera truflun í dægursveiflum líkamans. Vitað er að birta er helsti samhæfingarþáttur dægursveiflna og því viljum við rannsaka hvort ljós í skólastofum geti bætt svefn, aukið einbeitingu, bætt frammistöðu í námi og aukið almenna vellíðan á meðal ungmenna. Að breyta lýsingu í skólastofum til að bæta svefn meðal ungmenna á þessum aldri hefur ekki verið prófað fyrr. Þessi rannsókn er því mikilvægur liður í að bæta vísindalega þekkingu um slíkt. Ef niðurstöður rannsóknarinnar verða jákvæðar, verður með tiltölulega auðveldum hætti hægt að bæta lýsingu í skólastofum og þar með auka svefngæði og bæta líðan nemenda.
Ábyrgðaraðili rannsóknarinnar er dr. Birna Baldursdóttir, lektor við Háskólann í Reykjavík.
Kennsla fellur niður eftir hádegi
Kennsla fellur niður eftir hádegi í dag vegna námskeiðs fyrir kennara skólans.
Skólaráð
Nýtt skólaráð kom saman til fyrsta fundar á þessu skólaári. Hlutverk skólaráðs er að fjalla um skólareglur, félagslíf nemenda, umgengni í skólanum, vinnu- og félagsaðstöðu nemenda, stefnumótun skólans auk annarra mála sem vísað er til skólaráðs. Skólaráð fundar einu sinni í mánuði. Hægt er að senda skólaráði erindi á netfangið skolarad@verslo.is
Geðlestin í heimsókn
Þann 13. september síðastliðinn fengu nemendur á 2. ári heimsókn frá Geðlestinni í lífsleiknitíma.
Geðlestinni er ætlað að vekja athygli á mikilvægi geðheilsu og verndandi þáttum hennar. Í heimsókninni fengu nemendur að hlusta á ungan einstakling segja frá sinni persónulegu reynslu af geðrænum áskorunum, horfðu á myndband og í lokin tók Emmsjé Gauti nokkur vel valin lög við mikinn fögnuð nemenda.
Edrúpotturinn
Búið er að draga úr edrúpottinum og eru vinningshafar eftirfarandi:
1. ár
Valdimar Aðalsteinsson 1.B 10.000.- kr. gjafakort frá Foreldrafélagi VÍ
Dagur Ingi Rikharðsson 1.Y 10.000.- kr. gjafakort frá Foreldrafélagi VÍ
Margrét Bára Birgisdóttir 1. S 10.000.- kr. gjafakort frá Foreldrafélagi VÍ
Júlía Sólveig Gísladóttir 1. E Gjafakort frá Reykjavík Escape.
Nýnemaball
Nemendafélagið stendur fyrir nýnemaballi miðvikudaginn 7. september. Ballið verður í Kaplakrika og stendur frá klukkan 21:00 til 01:00. DJ Patti, Húgó og Birnir eru meðal listamanna sem munu halda uppi stuðinu á ballinu.
Undanfarin ár hafa dansleikir okkar farið mjög vel fram og nemendur verið til fyrirmyndar. Til þess að forðast allan troðning fyrir utan staðinn eiga nemendur að mæta skv. eftirfarandi tímatöflu: