05.05.2025 Glæsilegt galakvöld útskriftarnemenda Föstudaginn 2. maí kvöddu útskriftarnemar skólann sinn og kennara með skemmtilegri dagskrá og veglegu galakvöldi. Dagurinn hófst með athöfn í Bláa sal þar sem nemendur komu saman til að njóta góðrar og skemmtilegrar stundar. Að henni lokinni var haldið Pálínuboð í heimastofum, þar sem kennarar voru kvaddir með fallegum kveðjuorðum. Um kvöldið fór síðan fram glæsilegt galakvöld í Gullhömrum. Gleðin var í fyrirrúmi þar sem skólagöngunni var fagnað með veisluhaldi, gleði og góðri samveru. Hér má sjá brot af stemningunni frá bæði deginum og kvöldinu í myndasafni sem fylgir fréttinni.