Nemendur úr 4. bekk heimóttu Handelsgymnasiet i Aarhus
Fjórðubekkingar lögðu land undir fót á dögunum og heimsóttu danska vini sína í Handelsgymnasiet i Aarhus.
Um mikla menningarferð var að ræða þar sem nemendur heimsóttu Aros Kunstmuseum, Legoverksmiðjurnar í Billund, Kattekat-sjávarlíffræðisetrið og Randers regnskov.
Gekk ferðin ákaflega vel og nutu nemendur mikillar gestrisni af hálfu danskra vina sinna og fjölskyldna þeirra. Höfðu sumir foreldrarnir á orði að þeir vildu bjóða gestum sínum að vera hjá þeim til frambúðar ef með þyrfti.
