1. apr. 2014

Jarðfræðiferð í 5. bekk

Nemendur í 5-S, 5-U, 5-Y og 5-X fóru í jarðfræðiferð síðastliðinn mánudag 31. mars. Farið var um Reykjanes í ágætisveðri keyrt vestur með nesinu að norðan, með sunnanverðu Reykjanesi að Krýsuvík og þaðan var haldið til baka í Versló eftir velheppnaða ferð. Reykjanes er fjölbreytt og einstakt á jarðfræðilegan mælikvarða og til stendur að stofna þar jarðvang. Þar er margt að sjá fyrir áhugasama nemendur. Því var stoppað á mörgum stöðum á leiðinni, t.d. á brúnni milli flekanna, við Gunnuhver og gengið upp á gíginn Stóru Eldborg við Krýsuvík. Við enduðum ferðina á að skoða sprengigíginn Grænavatn en þar skemmtu nemendur sér að reyna að brjóta klakan á vatninu með steinakasti.

Ferð sem þessi er mjög mikilvæg í jarðfræðinámi þar sem nemendum gefst tækifæri að sjá með eigin augum og reyna á eigin skinni það sem þeir hafa lesið um í bókum og rætt hefur verið um í kennslustofunni.



Fréttasafn