27. maí 2014

Brautskráning stúdenta

Brautskráning stúdenta frá Verzlunarskólanum fór fram laugardaginn 24. maí við hátíðlega athöfn í Háskólabíói. Alls brautskráðust 275 nýstúdentar, 269 úr dagskóla og 6 úr fjarnámi. Fjölmennasti hópurinn kom af náttúrufræðibraut, eða 111, 104 af viðskiptabraut, 52 af félagsfræðabraut og 8 af málabraut. Í útskriftarhópnum voru 154 stúlkur og 121 piltar.

Að vanda var úthlutað úr VÍ 100 sjóðnum en hann var stofnaður í tilefni af aldarafmæli skólans. Fyrrverandi nemendur skólans lögðu fé í sjóðinn og í skipulagsskrá fyrir sjóðinn segir m.a. að árlega skuli hann styrkja valda nemendur með fjárframlagi, þegar þeir flytjast milli bekkja eða ljúka stúdentsprófi. Skal við það miðað að styrkþegar hafi sýnt afburða námsárangur eða lagt verulega af mörkum til skólastarfsins með þátttöku í félagslífi o.þ.h.

Dúx skólans var Marta Jónsdóttir með I. ágætiseinkunn, 9.8 en meðaleinkunn hennar er sú hæsta sem gefin hefur verið við skólann. Hún hlaut bókagjöf og námsstyrk að upphæð 500.000 kr.

Semidúx skólans var Valentín Oliver Loftsson með I. ágætiseinkunn 9.7. Hann hlaut bókagjöf og námsstyrk að upphæð 300.000 kr.

Aðrir nemendur með I. ágætiseinkunn fengu einnig bókagjafir og námsstyrk að upphæð 150.000 kr. en það voru:


 Katrín Blöndal 6-T  I. ág. eink. 9.6 
 Margrét Petrína Hallsdóttir  6-K     I. ág. eink. 9.4
 Arna Kristín Andrésdóttir 6-T I. ág. eink. 9.3
 Katrín Ragnarsdóttir       6-X I. ág. eink 9.3
 Böðvar Páll Ásgeirsson 6-R I. ág. eink 9.1
 Bergþór Traustason   6-Y I. ág. eink 9.1
 Ingibjörg Yrsa Ellertsdóttir   6-D I. ág. eink 9.0
 Jóhanna Björk Viktorsdóttir   6-T  I. ág. eink 9.0
 Dóra Sigurbjörg Guðmundsdóttir   6-X  I. ág. eink 9.0
 Hugrún Arna Jónsdóttir     6-S  I. ág. eink 9.0



          




Fréttasafn