17. des. 2014

Birting einkunna, prófsýning og námsframvinda

Nemendur geta séð lokaeinkunnir sínar í upplýsingakerfinu. Það er afar mikilvægt að nemendur og foreldrar þeirra kynni sér vel hvaða reglur eiga við þegar nemandi fellur í áfanga (sjá skólareglur 5.3 og 5.4). Prófsýning verður í hádeginu föstudaginn 19. desember milli klukkan 11:00 og 12:30 og eru þeir nemendur sem ekki ná þeim árangri sem þeir vonuðust eftir hvattir til þess að mæta á prófsýninguna.

Brot úr skólareglu 5.3: Nemendur sem falla á haustönn (desember) eiga rétt á endurtekningarprófi og verða próf haldin í janúar. (Nemendur geta ráðið því hvort þeir taka janúarprófin eða ekki. Hins vegar er hér um "tækifæri" númer 2 hjá nemandanum að ræða hvort sem hann tekur prófið eða ekki). Þeir sem falla aftur geta þá tekið áfangann í þriðja sinn í fjarnámi Verzlunarskólans og verða próf haldin í maí.

Brot úr skólareglu 5.4. Nemandi má að hámarki endurtaka 3 áfanga. Falli hann í fleirum en þremur áföngum þá telst hann fallinn á árinu. Ef nemandi fellur þrisvar í sama áfanga telst hann endanlega fallinn.

Nemendur sem hafa endurtökurétt eru sjálfkrafa skráðir í prófin og verða þau lögð fyrir 7. til 9. janúar. Nánari próftafla kemur á heimasíðu skólans síðar.

Próftökugjald í endurtektarprófum er kr. 7.500 pr. áfanga. Undanskildir eru VÉL101, BÓK201 og íþróttir. Prófgjald er kr. 2500 í þessum áföngum.

Fréttasafn