6. okt. 2015

Skráning á líkamsmyndarnámskeið

Í vetur verða boðin ókeypis líkamsmyndarnámskeið fyrir stelpur 18 ára og eldri í nær öllum framhaldsskólum á höfuðborgarsvæðinu. Námskeiðið kallast Body Project og er stutt og skemmtilegt námskeið sem hefur verið mikið rannsakað og reynst hjálpa stelpum að öðlast jákvæðari líkamsmynd og líða betur með sjálfar sig.

Við vonum að sem flestar nýti þetta tækifæri og skrái sig sem fyrst. Hvert námskeið er ekki nema tvö skipti, tvær klukkustundir í senn með viku millibili, og verða námskeiðin haldin seinni part dags að loknum skóladegi, svo þetta ætti ekki að taka of mikinn tíma frá námi eða félagslífi.

Skráningarfrestur er til 10. október og að skráningu lokinni verður sendur tölvupóstur á þær sem hafa skráð sig með upplýsingum um nákvæmari tímasetningar  í Versló. Við hvetjum því allar áhugasamar til að skrá sig sem allra fyrst.

Leiðbeinendur námskeiðanna eru allar þjálfaðir fagaðilar, menntaðar á sviði sálfræði og félagsráðgjafar. Auk þess starfa tvær sem framhaldsskólakennarar og ein var áður náms- og starfsráðgjafi. Umfram allt eru leiðbeinendurnir þó brennandi af áhuga á því að hjálpa stelpum að líða betur í eigin skinni því það er auðvitað grundvöllur valdeflingar og lífsgæða að líða vel í líkamanum sínum!

Skráning og frekari fyrirspurnir sendist álikamsmynd@gmail.com en athugið að stúlkur verða að hafa náð 18 ára aldri til að geta tekið þátt.

Fréttasafn