Íþróttir

Markmið með íþróttakennslu í framhaldsskólum er fyrst og fremst að veita nemendum aðstöðu til að hreyfa sig. Einnig að uppfræða þá um gildi hreilbrigðs lífernis og mikilvægi reglulegrar hreyfingar.

Í Verslunarskóla Íslands er einn fastur tími í viku í íþróttum en síðan tveir tímar þrisvar í viku á önn. Nemendur í 4. bekk fá fræðilega umfjöllun um íþróttir og heilbrigði. Rík áhersla er lögð á að nemendur fái sem mesta hreyfingu.

Aðstaðan er íþróttasalur sem er u.þ.b. 24x16 m. og minni salur með tækjum.
Þar sem um bekkjarkerfi er að ræða er kennslan fjölbreytt (ekki er mögulegt að bjóða upp á valáfanga í mismunandi greinum íþrótta). Í stærri sal skólans eru ýmsir knattleikir en í minni salnum er áhersla lögð á að skokka úti í byrjun hvers tíma og síðan markvisst unnið með áherslu á styrk og liðleika.

Öllum nemendum er gert að sækja íþróttatímana, sem eru inní stundatöflu dagsins og þannig er hin langa seta í skólanum markvisst brotin upp. Góður tími er gefinn til að fara í sturtu eftir tíma og þannig stuðlað að umhirðu og snyrtimennsku nemenda.

Eina vika á hverri önn er kenndur dans og einnig er dans fyrir peysufatadag hjá 4. bekk.

Í Verslunarskóla Íslands eru margir góðir íþrótta menn/konur og er almennur áhugi á heilbrigðu líferni meðal nemenda.

Við leggjum áherslu á að í íþróttum eflum við félagsleg tengsl við aðra nemendur um leið og líkami og sál eru efld.

Mottó íþróttadeildar er:

Heilbrigð sál í hraustum líkama.