Við upphaf náms

Til hamingju með inngöngu þína í skólann. 

Hér fyrir neðan má nálgast algengar spurningar og svör.

Hvernig fer skólasetningin fram?

Skólasetning Verzlunarskóla Íslands hefst með athöfn sem er einungis ætluð nýnemum í hátíðarsal skólans (Blái salur á 2. hæð). Vegna mikillar aðsóknar er mikilvægt að nýnemar mæti, að öðrum kosti geta þeir átt á hættu að verða af skólavist. Að skólasetningu lokinni fá nýnemar kynningu á skólanum og á ýmsum þáttum varðandi skólastarfið. Þennan dag fá nemendur til að mynda afhent aðgangs- og lykilorð að tölvukerfi skólans. Þennan dag hitta nemendur umsjónakennara sína og bekkjarfélaga. 

Hvenær er fyrsti skóladagurinn?

Fyrsta kennsludag má finna í skóladagatalinu á heimasíðu skólans.

Hvar get ég nálgast bókalistann?

Nemendur geta nálgast bókalistann í INNU og á heimasíðu skólans undir flipanum "Námið" en einnig  er flýtivísun hér. Bókalisti.

Hvernig fer nýnemavikan fram?

Nýnemar er boðnir velkomnir með allskyns leikjum og keppnum milli bekkja sem nemendafélagið stýrir. Vikan endar svo á nýnemaferð út á land þar sem hópurinn er hristur saman með skemmtilegri kvöldvöku og grilli. Starfsfólk skólans er með í för. Markmið vikunnar er að veita nýnemum eftirminnilega og jákvæða upplifun fyrstu dagana í nýjum skóla. 

Hvar get ég keypt námsbækur?

Flestar bækurnar er hægt að kaupa í almennum bókabúðum. Einungis þær bækur/hefti sem ekki eru til sölu í bókabúðum eru seldar í skólanum. Bóksalan er opin þrjá fyrstu skóladagana.

Ég er búin með áfanga í fjarnámi, fæ ég það metið?

Til þess að fá áfanga metna þarf nemandi að hafa tekið áfangann í framhaldsskóla, með lokaeinkunn sjö að lágmarki. Hægt er að sækja um að fá alla áfanga metna nema stærðfræði. Allt nám sem nemendur taka í fjarnámi Verzlunarskólans er metið ef einkunnin er fimm að lágmarki. 

Er líkamsræktaraðstaða í skólanum?

Já, það er mjög góð aðstaða til líkamsræktar í skólanum, annars vegar er stór íþróttasalur og hins vegar tækjasalur. Sú aðstaða er fyrst og fremst ætluð nemendum á skólatíma. 

Hvenær er skrifstofa skólans opin?

Skrifstofan er opin mánudaga til fimmtudaga kl. 8:00-16:00 og föstudaga kl. 8:00-15:00. Sími á skrifstofu er 5900600 og netfang skólans er verslo@verslo.is 

Hvenær er skólinn opinn?

Skólinn fylgir afgreiðslutíma Bókasafns VÍ. Mánudaga til fimmtudaga kl. 8:00-19:00 og föstudaga kl. 8:00-16:00. Í jóla- og vorprófum lengist opnunartími skólans.  

Hvenær er bókasafnið opið?

Bókasafnið er opið mánudaga til fimmtudaga kl. 8:00-19:00 og föstudaga kl. 8:00-16:00. Í jóla- og vorprófum lengist afgreiðslutími safnsins. 

Hvar finn ég óskilamuni?

Óskilamunir eru fyrir framan nemendakjallarann á fyrstu hæð, nálægt stóra íþróttasalnum. Einnig fara óskilamunir stundum á skrifstofuna eða á bókasafnið. 

Er mötuneyti í skólanum?

Já, nemendum stendur til boða að kaupa holla máltíð eða matvöru í Matbúð skólans.  Nemendum er einnig boðið upp á lýsi og hafragraut án endurgjalds í fyrstu fríminútum dagsins ef þeir koma með sín eigin ílát. Hægt er að kaupa ílát í Matbúð á 100 krónur. Stök máltíð kostar 1000 krónur en ef nemandi kaupir matarkort (10, 20 eða 30 máltíðir) fer máltíðin niður í 900 krónur. Skólinn tekur þátt í verkefninu Heilsueflandi framhaldsskóli og leggur því mikinn metnað í að hafa hollan og góðan mat. Matseðil vikunnar er birtur á heimasíðu skólans og má nálgast hér, Matseðill

Ég er grænmetisæta, get ég borðað í mötuneytinu?

Já, það alltaf eitthvað í boði fyrir grænmetisætur og mikið í boði fyrir nemendur sem eru vegan. 

Er hægt að leigja skápa?

Já, nemendum gefst kostur á að leigja sér skáp sem hægt er að læsa og geta þeir sótt um það á skrifstofu skólans.  Leiga á skáp er 1500 krónur fyrir skólaárið og lásinn kostar 500 krónur. 

Ég slasaði mig og á erfitt með að ganga upp stiga, get ég fengið aðgang að lyftunni?

Já, þeir nemendur sem þurfa að hafa aðgang að lyftunni hafa samband við skrifstofu skólans til að fá lyftulykil. Lykillinn kostar 3000 krónur en upphæðin en endurgreidd þegar lyklinum er skilað. 

Hvernig á ég að tilkynna veikindi?

Foreldrar og forráðamenn ólögráða nemenda tilkynna veikindi nemenda samdægurs í INNU og skal það gert alla veikindadaga. Lögráða nemendur tilkynna sjálfir veikindi sín samdægurs í INNU. Misfarist skráning skal senda tölvupóst á verslo@verslo.is. Ef nemandi er veikur í þrjá daga eða lengur ber honum að skila læknisvottorði eða staðfestingu frá foreldri eða forráðamanni. Alvarleg veikindi þarf aðeins að tilkynna í upphafi, enda skili nemandi læknisvottorði strax og skólasókn hefst að nýju

Ég þarf að fara til tannlæknis á skólatíma, hvað geri ég þá?

Nemendur skulu sinna öllum persónulegum erindum sínum utan skólatíma. Þurfi nemendur að leita læknis eða tannlæknis á skólatíma koma þeir við á skrifstofunni næsta dag og skila vottorði eða greiðslukvittun. Reiknast fjarvist þá sem leyfi. Að öðru leyti eru leyfi ekki gefin. Undanþágur frá þessu veita skólastjórnendur. 

Hvað á ég að gera ef ég þarf að fara í íþrótta- eða tómstundaferð?

Leyfi vegna íþrótta- og tómstundaferða skal sækja um með því að senda tölvupóst á netfangið verslo@verslo.is. Staðfestingar frá forsvarsmönnum íþróttafélaga eða sérsambanda er óskað.  

Má ég mæta með símann minn í skólann?

Já, nemendum er heimilt að hafa snjalltæki meðferðis í skólann og tengjast skólanetinu. Tækin skulu geymd afsíðis í kennslustundum, t.d. ofan í tösku, og stillt á hljóðlaust nema kennari ákveði annað. 

Hver er prentkvótinn minn?

150 blaðsíður á önn. Nemendur geta séð hve mikið er eftir af kvótanum þeirra með því að fara í upplýsingakerfið og velja Stilling - Prentkvóti. Ef prentkvótinn klárast geta nemendur keypt viðbótarkvóta á skrifstofunni á 20 kr. fyrir hverja blaðsíðu. 

Hvernig get ég prentað út á þráðlausa netinu?

Á www.verslo.is er valið ÞJÓNUSTA og því næst TÖLVUÞJÓNUSTA og í valmynd til hægri er valið PRENTUN og fylgt hlekknum í textanum. Nemandi skráir sig inn velur WEB PRINT og smellir á SUBMIT A JOB. Í næsta skrefi velur nemandinn prentara, en hægt er að velja á milli 7 prentara. Næst þarf að tilgreina fjölda eintaka sem á að prenta. Nemandi velur UPLOAD FROM COMPUTER til að sækja skjalið sem á að prenta. Einnig er hægt að draga skjöl inn á svæðið "Drag files here". Athugið að hægt er að prenta út pdf skrár og helstu gerðir Office skráa t.d. Word, Excel og Powerpoint. Valið UPLOAD AND COMPLETE til að staðfesta prentun. Í skjámyndinni sem birtist sést hvort prentun hefur heppnast. 

Hvar get ég nálgast upplýsingar um tölvukerfið?

Upplýsingar um tölvukerfið má finna á heimasíðu skólans undir "Þjónusta" - "Tölvuþjónusta" en einnig er flýtivísun hér - Tölvuþjónusta

Þarf ég að eiga fartölvu?

Já, það er mælst til þess að nemendur komi með fartölvur sínar í skólann. Bókasafnið lánar einnig fartölvur en um er að ræða dagslán og því geta nemendur ekki tekið þær tölvur með sér heim.  

Hvernig get ég sett mig í samband við náms- og starfsráðgjafa?

Náms- og starfsráðgjafar við skólann eru þrír, Berglind Helga Sigurþórsdóttir, Kristín Huld Gunnlaugsdóttir og Sóley Þórarinsdóttir. Berglind Helga heldur utan um nemendur á fyrsta ári. Hún er með opna tíma mánudaga til fimmtudaga kl. 8:30-15:30  og föstudaga 8:30-12:00. Nemendaþjónustan er á fyrstu hæð skólans við aðalinngang. Hlutverk náms- og starfsráðgjafa er að veita nemendum aðstoð í málum sem tengjast námi þeirra, náms- og starfsvali og í persónulegum málum. Nemendur, foreldrar/forráðamenn og kennarar geta leitað til náms- og starfsráðgjafa og fengið hjá þeim ráðgjöf og aðstoð við lausn ýmissa mála.