Peysufatadagurinn
Peysufatadagur 4. bekkjar Verzlunarskóla Íslands var haldinn hátíðlegur miðvikudaginn 24. apríl. Að vanda voru nemendur skólans einkar glæsilegir og virtust allir skemmta sér konunglega þrátt fyrir leiðindaveður snemma morguns.
Smellið á lesa meira til að sjá myndir frá deginum.
SAT próf laugardaginn 4. maí
Þeir sem hyggjast þreyta SAT próf 4. maí nk. þurfa að mæta stundvíslega kl. 7:30 norðan megin við Verzlunarskólann (gegnt Borgarleikhúsinu).
Vinsamlegast athugið að skólinn er læstur og verður aðeins opnaður fyrir próftaka kl. 7:30.
Tónleikar Verzlunarskólakórsins
Fyrstu tónleikar Verzlunarskólakórsins verða haldnir hátíðlegir á þriðjudaginn, 23. apríl, í Bláa sal Verzlunarskóla Íslands kl 20:00.
Kórinn hefur legið niðri í næstum 10 ár en hóf aftur störf haustið 2012.
Verzló fór heim með öll verðlaunin
Nemendur í 6. bekk á viðskipta- og hagfræðibraut hafa nú á vorönn tekið þátt í verkefninu „Fyrirtækjasmiðjan“ á vegum Ungra frumkvöðla. Verkefnið felur í sér að stofna og reka fyrirtæki í 13 vikur.
Uppskeruhátíð verkefnisins fór fram í síðustu viku. Þá kynntu þau 12 fyrirtæki sem komust í úrslit vöru sína og ársskýrslu. Verzló átti 6 fyrirtæki í úrslitum og fór svo að af þeim þremur verðlaunum sem veitt voru fóru þau öll til nemenda skólans.
Rannsóknarverkefni kynnt á Marmaranum
Nemendur í áfanganum LÍF303 halda ráðstefnu á Marmaranum dagana 18. og 19. apríl. Á ráðstefnunni kynna nemendur rannsóknarverkefni sín og sitja fyrir svörum.
Rannsóknarverkefnin hafa verið unnin síðustu tvo mánuði og úrvinnsla sett fram í formi skýrslu og veggspjalda. Hugmynd, framkvæmd og úrvinnsla verkefnanna hefur eingöngu verið í höndum nemenda.
Verzló sigurvegari MORFÍs
Lið Verzlunarskóla Íslands gerði sér lítið fyrir og sigraði MORFÍs þegar liðið lagði Flensborg að velli á föstudaginn sl. í Eldborgarsal Hörpunnar.
Liðið skipa þau Hrafnkell Ásgeirsson, Sigurður Kristinsson, Hersir Aron Ólafsson og Sigríður María Egilsdóttir og eiga þau heiður skilinn fyrir flotta frammistöðu í allan vetur. Sigríður María var valin Ræðumaður Íslands fyrir frammistöðu sína í keppninni.
VÍ - Flensborg í úrslitum MORFÍs
Föstudaginn 12. apríl mætir MOROFÍs lið Verzlunarskólans liði Flensborgar í úrslitum keppninnar. Keppnin fer fram í Hörpu og opnar húsið klukkan 19:00. Umræðuefni kvöldsins er „Hjarðareðlið“ og mælir Verzló á móti.
Gönguferð í góða veðrinu
Það var blíðskaparveður þegar nemendur og starfsfólk Verzlunarskóla Íslands fóru í dag í heilsugöngu um hverfið í kringum skólann. Eins og áður er gangan liður í verkefninu heilsuefling framhaldsskóla, en hreyfing er í forgrunni verkefnisins skólaárið 2012/2013.
Smellið á lesa meira til að sjá myndir úr göngunni.
V79
Í dag kom Verzlunarskólablaðið út í 79. sinn. Blaðið, sem má þó frekar kalla bók, er einstaklega veglegt í ár og telur 256 blaðsíður. Það var því mikil spenna í loftinu þegar Anna Björk Hilmarsdóttir, ritstjóri blaðsins, afhenti Inga Ólafssyni, skólastjóra, fyrsta eintakið við hátíðlega athöfn í Bláa sal í dag.
Hægt er að skoða nokkrar myndir frá athöfninni með því að smella á lesa meira.