1. Forsíða
  2. Fjarnám
  3. Skýrslur
  4. Fjarnámsstefna VÍ
Hlusta

Fjarnámsstefna VÍ

Verzlunarskólinn leggur áherslu á að bjóða upp á öflugt fjarnám fyrir alla nemendur sem það kjósa. Stefna skólans er að allir áfangar dagskóla verði einnig í boði í fjarkennslu auk fleiri áfanga. Með fjarnámi getur skólinn einnig veitt kennurum tækifæri til að kenna fjölbreyttum nemendahópi með framsetningu námsefnis á rafrænu formi á skapandi hátt.

Fjarkennsla Verzlunarskólans skal vera í samræmi við markmið hans og gildi.

Markmið skólans með fjarnáminu er að:

  • Bjóða upp á framsæknar aðferðir í miðlun námsefnis.
  • Allir áfangar séu með sambærilegt námsefni, námsmat og kröfur og sömu áfangar í dagskóla.
  • Nemendur geti lokið verslunar- og stúdentsprófi af öllum brautum skólans í fjarnámi.
  • Bjóða upp á starfatengt fagnám í samvinnu við atvinnulífið til að mennta og efla starfsfólk á vinnumarkaðinum.
  • Gefa kennurum kost á sveigjanleika í starfi ásamt því að þróa skapandi aðferðir á rafrænan hátt.
  • Víkka út landamæri skólans og gefa öllum tækifæri til að stunda nám sem þar er í boði, óháð aldri, búsetu og tíma. Þetta á m.a. við þá sem:
    • Stunda nám í grunnskólum landsins og vilja hefja framhaldsskólanám sitt áður en þeir innritast í fullt framhaldsskólanám.
    • Stunda nám í dagskóla Verzlunarskólans eða í öðrum framhaldsskóla en þurfa eða kjósa að taka áfanga í fjarnámi.
    • Vilja bæta við sig áföngum t.d. vegna fyrirhugaðs háskólanáms.
    • Hafa ekki lokið námi á framhaldsskólastigi og vilja taka upp þráðinn á nýjan leik.
    • Eru á vinnumarkaði en vilja styrkja stöðu sína í einstaka áföngum.
    • Starfa í verslun og þjónustu og vilja efla sig í starfi.
    • Hafa ekki möguleika á að sækja staðnám.
    • Vilja auka þekkingu sína í ákveðnu efni t.d. vegna áhugamála.
Einkunnarorð fjarnámsins eru skipulag, samskipti og sköpun.

Síðast uppfært í janúar 2023