Umsókn um skólavist á 1. ári (vorönn), 2. ári og 3. ári

Nemendur sem óska eftir skólavist í Verzlunarskóla Íslands á vorönn 1. árs eða á 2. og 3. ári þurfa að uppfylla ákveðnar kröfur um fyrra nám. Hér má finna upplýsingar um námskröfur, inntöku og umsóknarfresti.

Inntaka á vorönn 1. árs

Nemendur sem sækja um inngöngu um áramót þurfa að hafa lokið eftirfarandi áföngum:

  • Einum áfanga í stærðfræði á 2. þrepi.
  • Einum áfanga í íslensku á 2. þrepi.
  • Einum áfanga í ensku á 2. þrepi.
  • Einum áfanga í dönsku á 2. þrepi.
  • Einum áfanga í tölvunotkun ef sótt er um á viðskiptabraut.
  • Einum áfanga í þriðja tungumáli ef sótt er um á náttúrufræðibraut.

Inntaka á 2. ár

Nemendur sem sækja um inngöngu að loknu 1. námsári þurfa að hafa lokið eftirfarandi áföngum til að geta hafið nám á haustönn 2. árs:

  • Tveimur áföngum í stærðfræði á 2. þrepi.
  • Tveimur áföngum í íslensku á 2. þrepi.
  • Tveimur áföngum í ensku á 2. þrepi.
  • Tveimur áföngum í þriðja tungumáli ef sótt er um á náttúrufræðibraut, en einum áfanga á öðrum brautum.
  • Einum áfanga í bókfærslu ef sótt er um á viðskiptabraut.

Auk þess eru áfangar sem tilgreindir eru í brautarkröfum á fyrsta námsári sem nemendur þurfa að ljúka í fjarnámi samhliða dagskóla.

Hægt er að kynna sér hvaða áfangar þetta eru með því að skoða yfirlitsmyndir námsbrauta. Þessir áfangar eru ekki undanfarar áfanga á öðru námsári.

Nemendur sem sækja um að vori að loknu 1. námsári hafa möguleika á að ljúka einstaka áföngum í fjarnámi í Verzlunarskólanum á sumarönn áður en nám hefst. Samþykki fyrir inngöngu getur verið háð því að nemandi ljúki ákveðnum áföngum í fjarnámi áður en nám hefst á haustönn á 2. ári.

Almennar upplýsingar um inntöku

Umsækjendur eru hvattir til að skoða vel uppbyggingu námsbrauta í skólanum og bera saman við sitt fyrra nám.

Verzlunarskólinn er bekkjarskóli og þegar nýnemar eru innritaðir að loknu námi í 10. bekk þá eru öll pláss fyllt sem skólinn getur boðið upp á. Til að hægt sé að innrita nýja nemendur á seinni stigum þarf pláss að losna í bekk á viðkomandi braut sem sótt er um.

Verzlunarskólinn er bekkjarskóli og því er forsenda þess að umsækjandi fái skólavist um áramót eða inn í efri bekki að hausti að hann hafi lokið sem flestum áföngum á þeirri braut sem sótt er um.

Umsóknarfrestir

Umsóknir um áramót
Umsóknarfrestur er til 1. desember og umsóknum er svarað 20. desember.

Umsóknir að vori
Umsóknarfrestur er til 26. maí og umsóknum er svarað fyrir 20. júní.

Sótt er um skólavist á innritunarvef Ísland.is.

Innritun nýnema úr 10. bekk fer fram að vori í gegnum Menntagátt.