Starfsfólk VÍ
Fréttir frá alþjóðasamstarfinu
Komdu í heimsókn á bókasafnið
Fjarnám
Nemendur, sem sækja um skólavist á 1. ári, gera það rafrænt á eftirfarandi vefsíðu, innritun.is
Svör við umsóknum verða send rafrænt til nemenda og forráðamanna þeirra, stíluð á þau netföng sem gefin eru upp í umsókninni. Einnig sjá nemendur í Menntagátt hvaða skóli hefur samþykkt umsókn þeirra.
Í Aðalnámskrá grunnskóla er lýst hæfniviðmiðum á bak við hvern bókstaf. Þegar umsóknir nemenda verða metnar þá verður reiknaður út stigafjöldi fyrir hvern og einn umsækjanda þar sem notast verður við tölur frá Miðstöð menntunar og skólaþjónustu, sbr. það sem sjá má hér að neðan:
Þetta er eingöngu gert til að flýta fyrir úrvinnslu umsókna. Þær greinar sem verða skoðaðar eru stærðfræði, íslenska, danska (eða annað Norðurlandamál), enska, samfélagsfræði og náttúrufræði. Stigafjöldi er síðan reiknaður út með eftirfarandi hætti: stærðfræði og íslenska fá tvöfalt vægi og síðan eru valdar tvær hæstu einkunnir af hinum fjórum. Nemendur verða að hafa náð að lágmarki B í þeim greinum sem lagðar eru til grundvallar útreiknings stiga.
370 nemendur verða innritaðir á 1. ár. Tekið er inn á brautir og námslínur, en ekki er ákveðið fyrirfram hve margir bekkir verða á hverri braut. Horft verður til þess hve margir sækja um einstakar brautir.
Nemendur verða teknir inn eftir stigafjölda en þá verður einnig gætt að kynjahlutföllum og mun hlutfall hvers kyns ekki fara yfir 60% innritaðra nemenda.
Nemendur með annað heimamál en íslensku geta óskað eftir því að íslenska fái einfalt vægi og í staðinn verði tvöfalt vægi á annarri grein. Það er gert með því að senda póst á verslo@verslo.is og þarf að fylgja staðfesting frá viðkomandi grunnskóla um að nemandi sé með annað heimamál en íslensku.
Nemendur, sem koma erlendis frá eða hafa ekki vitnisburð frá íslenskum grunnskóla, þurfa einnig að sækja um á vef Miðstöðvar menntunar og skólaþjónustu og verða metnir út frá þeim gögnum sem fylgja þeim frá viðkomandi skóla.
Hér má sjá upplýsingar um innritun í Verzlunarskólann:
2025 2024