22. sep. 2015 : Verið velkomin á foreldrakvöld í Verzló - Bláa sal


Þriðjudaginn 29. sept. Kl. 19.30 býður Foreldraráðið öllum foreldrum og forráðamönnum nemenda í Verzló á foreldrakvöld með góðum veitingum, skemmtilegri samveru og fjölbreyttri dagskrá sem er eftirfarandi: Lesa meira

14. sep. 2015 : Fyrirlestur um málefni flóttafólks

Miðvikudaginn 16.september verður hraðatafla fyrir hádegi og verður haldinn fyrirlestur um málefni flóttafólks kl 11. Fyrirlesarar eru Gísli Einarsson, fréttamaður og Sigríður Víðis Jónsdóttir upplýsingafulltrúi UNICEF. Lesa meira.

13. sep. 2015 : Vinningshafar í edrúpottinum

Nemendaþjónustan hefur dregið vinninga úr edrúpottinum. Við getum verið stolt af þessu fyrsta balli vetrarins en alls blésu 727 af 1700 ballgestum eða 42.7% sem verður að teljast góður árangur. Vinningar eru hjá námsráðgjöfum. Lesa meira.

Danskir nemendur í heimsókn

9. sep. 2015 : Danskir nemendur í heimsókn

Dagana 6.-12. september verða 27 danskir nemendur og 2 kennarar frá Rysensteen menntaskólanum í heimsókn. Þetta er þriðja árið í röð sem skólarnir vinna saman að verkefnum sem lúta að nýtingu á hreinni orku og líftæknirannsóknum. Samstarfið hefur verið afar farsælt og er það von okkar að dönsku gestirnir og íslensku gestgjafarnir eigi góða viku saman. Lesa meira.

8. sep. 2015 : Jöfnunarstyrkur

Opnað hefur verið fyrir umsóknir vegna jöfnunarstyrks á skólaárinu 2015-2016. Nemendur geta sótt um jöfnunarstyrkinn í gegnum sitt svæði í heimabankanum sínum og/eða Innu, vefkerfi framhaldsskólanna. Umsóknarfrestur vegna haustannar 2015 er til 15. október næstkomandi.

2. sep. 2015 : Málfundur um innritun og einkunnaverðbólgu

Miðvikudaginn 2. september mun fara fram málfundur um inntöku nýnema í menntaskóla og þá einkunnaverðbólgu sem virðist hafa aukist síðastliðin ár. Mikil umræða var um málið í sumar og munu fulltrúar frá ýmsum stigum menntakerfisins mæta og ræða hvað úrræði eru við þessu vandamáli. 

Fundurinn fer fram í Bláa sal Verzlunarskóla Íslands kl. 20:00 og eru allir velkomnir.

Spænskir nemendur í heimsókn

2. sep. 2015 : Spænskir nemendur í heimsókn

Dagana 2. - 7. september koma 14 spænskir nemendur og einn kennari frá menntaskólanum Colegio Corazón de María (www.codema.es), á Spáni.  Heimsókn þeirra er liður í eTwinning verkefni sem Verzlunarskólinn og Clarentinos skólinn eru þátttakendur í. Lesa meira.

28. ágú. 2015 : Útskrift 28. ágúst

Föstudaginn 28. ágúst voru fimm nemendur útskrifaðir með stúdentspróf frá Verzlunarskóla Íslands. Stúdentarnir eru þau Inga Björk Guðmundsdóttir, Jón Konráð Guðbergsson, Lára Isabelle Sigríður Portal, Stefán Ingi Árnason og Stefán Örn Hannesson. Skólinn óskar þeim innilega til hamingju með áfangann.

21. ágú. 2015 : Kynningarfundur fyrir foreldra og forráðamenn nýnema

 

Foreldrafundur fyrir foreldra/forráðamenn nýnema verður haldinn í skólanum fimmtudaginn 27. ágúst nk. kl. 20:00. Dagskráin verður með hefðbundnu sniði þar sem skólastjóri fer í stuttu máli yfir ýmis atriði sem lúta að námi við skólann. Stjórnendur skólans, námsráðgjafar, forvarna- og félagslífsfulltrúar og fulltrúar frá stjórn nemendafélagsins munu sitja fyrir svörum og að því loknu verður foreldrum og forráðamönnum boðið að hitta umsjónarkennara í kennslustofum. Hér er ekki um einstaklingsviðtöl að ræða heldur er gert ráð fyrir að umsjónarkennari hvers bekkjar ræði við alla foreldra/forráðamenn samtímis.

16. ágú. 2015 : Nýtt upplýsingakerfi

Nú á haustönn flyst nemendabókhald skólans alfarið í Innu sem er upplýsingakerfi framhaldskólanna. Þar með verður hætt að nota gamla upplýsingakerfið/intranetið. Nemendur og forráðamenn geta farið á vefsíðuna nam.inna.is, sett inn kennitölu og valið síðan "Sækja nýtt lykilorð". Þá er lykilorðið sent á einkanetföng forráðamanna og nemanda og jafnframt á skólanetfang nemandans. Einnig er hægt að skrá sig inn með Íslykli og rafrænum skilríkjum. Opnað verður fyrir aðganginn 17. ágúst.

7. ágú. 2015 : Skólasetning 18. ágúst 2015

versloVerzlunarskóli Íslands verður settur þriðjudaginn 18. ágúst klukkan 10:00. Athöfnin fer fram í hátíðarsal skólans (Bláa sal) og er ætlast til þess að allir nemendur mæti tímanlega. Vegna mikillar aðsóknar er afar mikilvægt að nýnemar mæti, að öðrum kosti geta þeir átt á hættu að verða af skólavist.


Bókalistann fyrir veturinn má finna undir flipanum „Nemendur“ en einnig er flýtivísun hér.


Sala á bókum og heftum sem ekki eru seld í bókabúðum fer fram í fundarherbergi á 3. hæð 18. ágúst kl. 11 - 15 og miðvikudaginn 19. ágúst frá kl. 8:30 til 13.


Bekkjalistar og stundatöflur munu liggja fyrir við skólasetningu.

16. jún. 2015 : Vefpóstur

Verið er að flytja öll pósthólf yfir á skýið hjá Microsoft. Ef vefpósturinn hér til hliðar virkar ekki þá er best að smella á tengilinn https://outlook.com/verslo.is og setja inn netfang í stað notendanafns (notandi@verslo.is). Einnig er hægt að senda póst á thordur@verslo.is. Ef pósturinn í símann virkar ekki þá er einfaldast að eyða stillingunum út og setja inn aftur. Nægir þá að tilgreina netfang, notendanafn og lykilorð. Ekki þarf að tilgreina póstþjón.

Síða 2 af 6