16. jún. 2015 : Við lok innritunar

Nú er innritun í framhaldsskóla lokið og vonandi fara sem flestir sáttir út í sumarið. Aðsókn að Verzlunarskólanum var mjög mikil í ár og sóttu 555 um skólann sem val 1 og 140 val 2. Af þeim sem völdu skólann sem val 1 voru 322 með einkunn 9,0 eða hærra. Meðaleinkunn umsækjenda var 9,0 og meðaleinkunn þeirra sem voru teknir inn var 9,4. Af þeim nemendum sem var hafnað voru rúmlega 60 með einkunn 9,0 og hærra.

16. jún. 2015 : Vélritun og undirbúningsnámskeið í stærðfræði

Nemendum sem skráðir eru á 1. námsár 2015-2016 gefst kostur á undirbúningsnámskeiði í stærðfræði. Einnig býðst þeimað ljúka vélritunaráfanganum VÉLR1FI02 í fjarnámi í sumar.

12. jún. 2015 : Fjarnám á sumarönn

Frestur til að skrá sig í fjarnám hefur verið framlengdur til miðnættis 29. júní.

29. maí 2015 : Próftafla endurtektarprófa

Próftöfluna fyrir endurtektarpróf vorannar er hægt að nálgast undir flokkunum "Nemendur" og "Skólinn" hér til hægri og einnig hér.

25. maí 2015 : Brautskráning stúdenta 2015

JLong_230509_137Brautskráning stúdenta frá Verzlunarskólanum fór fram laugardaginn 23. maí við hátíðlega athöfn í Háskólabíói. Alls brautskráðust 295 nýstúdentar, 287 úr dagskóla og 8 úr fjarnámi. Fjölmennasti hópurinn kom af náttúrufræðibraut, eða 145, 115 af viðskiptabraut, 35 af félagsfræðabraut. Í útskriftarhópnum voru 164 stúlkur og 131 piltur.

Að vanda var úthlutað úr VÍ 100 sjóðnum en hann var stofnaður í tilefni af aldarafmæli skólans. Fyrrverandi nemendur skólans lögðu fé í sjóðinn og í skipulagsskrá fyrir sjóðinn segir m.a. að árlega skuli hann styrkja valda nemendur með fjárframlagi, þegar þeir flytjast milli bekkja eða ljúka stúdentsprófi. Skal við það miðað að styrkþegar hafi sýnt afburða námsárangur eða lagt verulega af mörkum til skólastarfsins með þátttöku í félagslífi o.þ.h.

Dúx skólans var Einar Gunnlaugsson með I. ágætiseinkunn, 9.3. Hann hlaut bókagjöf og námsstyrk úr VÍ 100 að upphæð 500.000 kr

22. maí 2015 : Um námsframvindu

Því miður gerist það á hverju ári að nemendur ná ekki þeim kröfum sem til þeirra eru gerðar í áföngum og þá er mikilvægt að þeir og foreldrar þeirra kynni sér vel hvaða reglur eiga við þegar nemandi fellur í áfanga. Í meginatriðum gerist eftirfarandi:

Nemendur sem falla á vorönn (maí) verða að endurtaka áfangann og verða próf haldin í júní. (Nemendur geta ráðið því hvort þeir taka júníprófin eða ekki. Hins vegar er hér um "tækifæri" númer 2 hjá nemendum að ræða hvort sem þeir taka prófið eða ekki). Þeir sem falla aftur geta þá tekið áfangann í þriðja sinn í fjarnámi VÍ og verða próf haldin í ágúst.

Athugið að nemendur sem...

19. maí 2015 : Vinningshafar í edrúpottinum

Lokaball nemenda var haldið þann 15. maí síðastliðinn og voru nöfn eftirfarandi nemenda dregin úr edrúpottinum.

19. maí 2015 : Afhending verslunarprófsskírteina og prófsýning

Afhending verslunarprófsskírteina fer fram miðvikudaginn 20. maí klukkan 10:00 í
Bláa sal. Um formlega athöfn er að ræða og eru nemendur því beðnir um að mæta
snyrtilegir til fara.
Einkunnir birtast í upplýsingakerfinu 19. maí klukkan 19:00.

Prófsýning fyrir alla bekki verður milli kl.12:15 og 13:30 miðvikudaginn 20.
maí.

18. maí 2015 : Nemendur í frumkvöðlafræði gáfu hálfa milljón

Nemendurnir, Andrea Björns­dótt­ir, Arn­ór Rafn Gísla­son, Goði Már Daðason, Gunn­ar Bjarki Björns­son, Helga Sig­ríður Magnús­dótt­ir og Hjalti Stein­ar Sig­ur­björns­son stofnuðu fyrirtækið Mystma í frumkvöðlafræði í vor. Þau hönnuðu nælur til styrktar Krabbameinsfélaginu og skilaði verkefnið tæpri hálfri milljón eða 470.000 kr.
Hér má sjá frétt sem birtist á Mbl.is um fyrirtækið:

Frum­kvöðlar gáfu hálfa millj­ón

13. maí 2015 : Lokaball í Hörpunni föstudaginn 15. maí.

Hleypt er inn í húsið frá klukkan 22:00 og því lokað klukkan 24:00 (á miðnætti) og eru nemendur beðnir um að virða þessi tímamörk. Ballið sjálft stendur til klukkan 01:00.

 

3. bekkur mætir milli klukkan 22:00 – 22:20.

4. bekkur mætir milli klukkan 22:20 – 22:40.

5. bekkur mætir milli klukkan 22:40 – 23:00.

6. bekkur mætir milli klukkan 23:00 – 23:20.

 

Öll meðferð áfengis og tóbaks, þar með talið munntóbaks, er stranglega bönnuð.

Veglegur edrúpottur að vanda.

30. apr. 2015 : Opnunartími bókasafnsins í prófum

Vegna próflestrar verður afgreiðslutími bókasafnsins frá 29. apríl til og með 14. maí eftirfarandi:

mánud.-fimmtud. 8:00-22:00
föstudag: 8:00-18:00
laugardaga: 10:00-19:00
sunnudaga: 10:00-22:00

ATH: 1. maí er opið 10:00-18:00
14. maí (uppstigningardag) er opið 10:00-22:00

28. apr. 2015 : Peysufatadagurinn

Peysufatadagur 4. bekkjar Verzlunarskóla Íslands var haldinn hátíðlegur mánudaginn 27. apríl. Eftir hátíðlega dagskrá í Bláa sal skólans var haldið í rútu niður í miðbæ þar sem nemendur gengu niður Laugarveginn og stigu svo dans á Ingólfstorgi. Lesa meira

Síða 3 af 6