Vegna próflestrar verður afgreiðslutími bókasafnsins frá laugard. 2. des. til og með sunnud. 17. des. eftirfarandi:

Í tilefni af Degi íslenskrar tungu unnu nemendur fjölbreytt verkefni tengd Jónasi Hallgrímssyni í íslenskutímum.  Nemendur á 1. ári sömdu til að mynda ljóð úr nýyrðum Jónasar til heiðurs þjóðskáldinu.  Á öðru ári glímdu nemendur við smásagnagerð eftir að hafa lesið kvæðið Ferðalok sem veitti þeim innblástur. Efri bekkingar fóru í stafsetningarkeppni og spreyttu sig á orðum eins og „dýjaveisa“, „ýfrugur“ og „glýpt“.

Himingeimur

Fjaðurmagnaður, fluggáfaður fuglafræðingur
fann fýl í næturkyrrðinni
með líffærin flaksandi,
hann var drepinn.

Undir tunglmyrkvanum og kvöldbjarmanum
kvöldflóðið tók hryggdýrið
eins og háðsk hagamús
í leit að lindýri.

Axel, Birgir, Silvía og Sunneva 1-R

Alheimurinn

Heimurinn, heimili okkar allra.
Himingeimurinn sem er endalaus
almyrkvi, ríkir yfir jörðu.
Aðdráttaraflið dregur í sig ljós,
ljós lífsins.
Brekkusóleyjar spretta upp í hinu fagra dalalífi.

Hagamúsin er einmana,
hún finnur ekki fyrir sólnándinni eins og hún man eftir henni.
Vetrarkuldinn umvefur dalinn
nú er músin kvalin.

Fábrotinn er maðurinn, er hann svífur líkt og haförn um allt
og verndar dalinn sinn,
þrælsterkur berst hann
við allt sem ógnar honum.

Næturkyrrðin hellist yfir þorpið
líkt og stormsveipur.

Rætur brekkusóleyjarinnar gefa samt ekki eftir.

 Arnbjörg, Elísa, Ester, Svava og Sólon 1-A.

Dregið hefur verið úr edrúpottinum eftir miðannaballið sem var 8. nóvember. Í heildina voru 28 vinningar, 16 frá foreldraráði VÍ og 12 frá skólanum, 7 vinningar á hvern árgang. Seldir miðar voru 835 og blésu 387 eða 46%.

Óðinn Ingi Þórarinsson 1-D, 15.000 kr. frá foreldraráði VÍ
Eyjólfur Andri Arason 1-G, 15.000 kr. frá foreldraráði VÍ
Aníta Lív Þórisdóttir 1-U, 15.000 kr. frá foreldraráði VÍ
Geir Ragnarsson 1-U, boðsmiði á Búlluna fyrir tvo
Agla Bríet Einarsdóttir 1-B, tveir miðar á Nemóballið 2018
Kolbrún Jóna Helgadóttir 1-A, 10 máltíðakort í Matbúð
Ólöf Arna Ólafsdóttir 1-S, 15.000 kr. frá foreldraráði VÍ
Valdís Björg Sigurbjörnsdóttir 2-T, 15.000 kr. frá foreldraráði VÍ

Sóley Friðrika Hauksdóttir Maack 2-H, 15.000 kr. frá foreldraráði VÍ
Alexandra Dögg Einarsdóttir 2-F, 10 máltíðakort í Matbúð
Iðunn Jóhannsdóttir 2-B, 15.000 kr. frá foreldraráði VÍ
Halldór Benedikt Haraldsson 2-H, 15.000 kr. frá foreldraráði VÍ
Leó Björnsson 2-A, tveir miðar á Nemóballið 2018
Viktor Örn Gunnarsson 2-D, boðsmiði á Búlluna fyrir tvo
Hlín Heiðarsdóttir 3-S, 10 máltíðakort í Matbúð

Sygin Jara Björgvinsdóttir 3-B, 15.000 kr. frá foreldraráði VÍ
Ísabella Hlynsdóttir 3-R, 15.000 kr. frá foreldraráði VÍ
Ása Dröfn Óladóttir 3-H, 15.000 kr. frá foreldraráði VÍ
Ísak Ólason 3-E, 15.000 kr. frá foreldraráði VÍ
Gísli Þorgeir Kristjánsson 3-U, tveir miðar á Nemóballið 2018
Guðjón Hlynur Sigurðarson 3-A, boðsmiði á Búlluna fyrir tvo

Margrét Nilsdóttir 6-D, 15.000 kr. frá foreldraráði VÍ
Níkólína Dís Kristjánsdóttir 6-D, 15.000 kr. frá foreldraráði VÍ
Selma Sól Magnúsdóttir 6-U, 15.000 kr. frá foreldraráði VÍ
Dagmar Pálsdóttir 6-X, tveir miðar á Nemóballið 2018
Sigurður Örn Alfonsson 6-I, 15.000 kr. frá foreldraráði VÍ
Damian Motybel 6-D, boðsmiði á Búlluna fyrir tvo
Vignir Daði Valtýsson 6-A, 10 máltíðakort í Matbúð

Í gær var haldið upp á 30 ára afmælishátíð Erasmus+ í Silfurbergi í Hörpu. Hátíðin var vegleg og í tilefni dagsins voru veittar viðurkenningar fyrir verkefni á öllum skólastigum, frá leikskóla upp í háskóla.

Eitt af þeim verkefnum sem tilnefnd voru til verðlauna var eTwinning verkefni á vegum Verzlunarskólans sem Hilda Torres og spænskudeildin hafa stjórnað.

Þess má geta að fyrstu árin var Erasmus styrkjakerfið ekki fyrir framhaldsskóla. Comenius eins og framhaldsskóla styrkjakerfið hét upphaflega hóf göngu sína árið 1995. Versló fékk sinn fyrsta styrk árið 1997 og hefur sótt um og fengið styrki sleitulaust síðan. Þetta skólaárið fékk skólinn tvo nýja Erasmus+ styrki en það er afar sjalgæft að sami skólinn hljóti meira en einn styrk í einu.

Valdimar Hergeirsson, fyrrverandi yfirkennari Verzlunarskóla Íslands, lést þann 28. október síðastliðinn. Valdimar og Verzlunarskólinn áttu samleið í um hálfa öld. Hann hóf nám við skólann 1945 og útskrifaðist sem stúdent vorið 1952. Að loknu stúdentsprófi lagði Valdimar stund á viðskiptafræði við Háskóla Íslands og háskóla í Bandaríkjunum. Árið 1960 var Valdimar ráðinn til starfa við Verzlunarskóla Íslands og lét af störfum sem yfirkennari árið 2000 sökum aldurs en sinnti ýmsum kennslustörfum til ársins 2004. 

Bókasafnið fékk afhentan veglegan styrk frá foreldraráði. Keyptar voru bækur, hleðslutæki fyrir síma og fartölvur, spil, heyrnartól og fleira. Gjöfin kemur að mjög góðum notum og eru kennarar t.a.m. nú þegar farnir að nota spilin bæði í tungumálakennslu og í lífsleiknitímum. Nemendur gleyma gjarnan hleðslutækjum fyrir fartölvur sínar og síma og því gott að geta heimsótt safnið og fengið hleðslutæki að láni.

Starfsmenn bókasafnsins þakka foreldraráði kærlega fyrir rausnarlega gjöf.

Dagana 1.-7. október tóku nokkrir nemendur í 3-A ásamt tveimur kennurum þátt í Erasmus+ fundi í verkefninu Welcome to My City í Hyvinkää í Finnlandi. Nemendurnir dvöldu á finnskum heimilum og unnu saman að ýmis konar verkefnum sem lúta að þema verkefnisins í skólanum. Þannig kynntust þeir bæði finnsku fjölskyldulífi og skólalífinu. Verkefnin voru að ýmsum toga. Nemendur hvers lands kynntu og sögðu frá verkefnum sem þau höfðu unnið í sínum skóla. Á meðan á fundinum stóð unnu nemendur saman í hópum þvert á landamæri og kynntu síðan niðurstöður sínar. Einnig gafst tími til að fara í dagsferð til Helsinki þar sem skoðaðar voru byggingar, minnismerki og farið í Þjóðminjasafnið. Farið var í skógarferð, kveikt bál og snúbrauð grilluð á teini, fyrirtæki heimsótt o.fl. Dvölin í Finnlandi var þroskandi og skemmtileg bæði fyrir nemendur og kennara.

Dagana 15. til 23. september dvaldi 21 manna nemendahópur ásamt tveimur kennurum í borginni Rennes á Bretagne skaga. Nemendur sem allir eru með frönsku sem 3. mál, dvöldu hjá frönskum fjölskyldum og kynntust við það frönskum háttum og siðum, auk þess sem þau þjálfuðu færni sína í tungumálinu.
Farið var í skoðunarferðir til Mont Saint Michel, sem er klaustur staðsett á lítilli eyju í Normandy rúmlega einn kílómetra frá norðurströnd Frakklands. Miðaldabærinn Fougière var heimsóttur, farið var til eyjarinnar Bréhat, borgin Rennes var skoðuð auk þess sem nemendur sátu í frönskum kennslustundum.
Vel var tekið á móti hópnum en verið var að endurgjalda heimsókn franskra ungmenna til Íslands í mars 2017. 
Nemendur voru sammála um það að álag við að taka þátt í svona verkefni væri töluvert en það væri þess virði þar sem svona heimsóknir eru mjög lærdómsríkar og gefandi.

Þessa vikuna stendur yfir fundur í Nordplus verkefni þriggja landa, Íslands, Svíþjóðar og Noregs. Verkefnið ber yfirskriftina Opening Doors into the Global Market og er eins árs verkefni sem nemendur á þriðja ári viðskiptabrautar taka þátt í. Fyrsti fundurinn er haldinn í Versló, annar fundurinn í nóvember í Noregi og sá þriðji í mars 2018 í Svíþjóð. Hlutverk nemendanna er að setja á stofn netverslun og reka hana á meðan á verkefninu stendur.

 Námsráðgjafar hafa dregið 56 glæsilega vinninga úr edrúpottinum, 32 x 15.000 kr. í peningagjöf frá foreldraráði og 24 vinninga frá skólanum. Á ballinu blésu alls 740 nemendur eða um 46% ballgesta, þar af 475 gestir fæddir 2001.  Við vonum að þessi hvatning í formi vinninga hvetji ennþá fleiri til þess að slást í hópinn með þeim sem nú þegar kjósa að blása á böllunum okkar.

Opnað hefur verið fyrir umsóknir vegna jöfnunarstyrks á skólaárinu 2017-2018. Nemendur geta sótt um jöfnunarstyrkinn í gegnum sitt svæði í heimabankanum sínum og/eða Innu, vefkerfi framhaldsskólanna. Umsóknarfrestur vegna haustannar 2017 er til 15. október næstkomandi!