7. sep. 2017 : Samstarf milli Verzlunarskólans og Gribskov menntaskólans

Þessa vikuna eru nemendur Verzlunarskólans í nemendaskiptaferð í Danmörku ásamt kennurum. Þau hafa meðal annars heimsótt  Kronborgarhöll og hlotið fræðslu um Hamlet.

 

6. sep. 2017 : Nordplus verkefni milli Verzló og Rysensteen - Innovativ nordisk forskning í bekæmpelsen af globale energi og sundhedsprovlemer

Í gær komu til landsins 27 nemendur ásamt kennurum frá Rysensteen Menntaskólanum í Kaupmannahöfn. Heimsóknin sem stendur yfir í viku er liður í  Nordplus samstarfi skólanna og er þetta fyrri heimsóknin af tveimur því í byrjun október fer íslenski hópurinn til Kaupmannahafnar. Á meðan á samstarfinu stendur í báðum löndum munu nemendur vinna verkefni sem lúta að þema verkefnisins ásamt því að heimsækja fyrirtæki og stofnanir eins og deCODE, virkjanir, háskóla ofl.

1. sep. 2017 : Útskrift

Föstudaginn 1. september voru þrír nemendur útskrifaðir með stúdentspróf frá Verzlunarskóla Íslands. Það eru þau Kjartan Gunnarsson, Kristín Andrea Aikman Andradóttir og Ýmir Guðmundsson. Skólinn óskar þeim innilega  til hamingju með áfangann.

30. ágú. 2017 : Nýnemavika

Vikuna 28. ágúst-1. september er haldin hátíðleg nýnemavika hér í Verzlunarskóla Íslands. Nýir nemendur er boðnir velkomnir með allskyns leikjum og keppnum milli bekkja. Þema vikunar þetta árið er reif (rave), þar sem raftónlist og flott ljósasýning spilar stórt hlutverk. Vikan endar svo á nýnemaferð í Borgarnes þar sem hópnum er hrist saman með skemmtilegri kvöldvöku og grilli. Starfsfólks skólans er með í för og er ferðin áfengis- og vímuefnalaus.

21. ágú. 2017 : Kynningarfundur með foreldrum og forráðamönnum nýnema

Kynningarfundur fyrir foreldra/forráðamenn nýnema verður haldinn í skólanum (Bláa sal) fimmtudaginn 24. ágúst nk. kl. 20:00.  Dagskráin hefst á því að skólastjóri fer yfir ýmis atriði sem lúta að námi við skólann. Að því loknu munu fulltrúar frá stjórn NFVÍ og foreldrafélagsins segja frá því sem þar ber hæst á árinu.

Eftir dagskrá í Bláa sal verður foreldrum og forráðamönnum boðið að hitta umsjónarkennara í kennslustofum. Hér er ekki um einstaklingsviðtöl að ræða heldur hitta umsjónarkennarar hvers bekkjar alla foreldra/forráðamenn samtímis.

20. ágú. 2017 : Afgreiðslutími Bókasafns VÍ

Bókasafn skólans verður opið í vetur á eftirfarandi tíma:

Mánudaga - fimmtudaga kl. 8:00 - 19:00
Föstudaga kl. 8:00 - 16:00

Verið velkomin

15. ágú. 2017 : Skólasetning nýnema

Þann 17. ágúst næstkomandi er skólasetning nýnema í hátíðarsal skólans á 2.hæð kl. 10. Að skólasetningu lokinni fá nýnemar kynningu á ýmsum þáttum varðandi skólastarfið. Þeir fá til að mynda afhent aðgangs- og lykilorð að tölvukerfi skólans, fara í myndatöku hjá NFVÍ og íþróttakennarar skólans verða með hópefli. Nýnemum verður svo boðið í hádegismat í mötuneyti skólans.

Hér má nálgast stundatöfluna sem farið verður eftir þann 17. ágúst.

10. ágú. 2017 : Skólabyrjun og bóksala

Skólasetning Verzlunarskóla Íslands verður með breyttu sniði í ár. Athöfnin er einungis ætluð nýnemum og hefst hún klukkan 10:00 fimmtudaginn 17. ágúst í hátíðarsal skólans (Bláa sal).

 

Eldri bekkingar mæta skv. stundaskrá föstudaginn 18. ágúst.

Allir nemendur er hvattir til þess að ganga sem fyrst frá kaupum á námsbókum. Sala á bókum og heftum sem ekki eru seld í bókabúðum fer fram í fundarherbergi á 3. hæð.

 

20. jún. 2017 : Lok innritunar vor 2017

Nú er innritun í Verzlunarskólann lokið. Alls bárust 610 umsóknir; 436 sem val 1 og 174 sem val 2. Í ár voru 280 nemendur innritaðir á fyrsta ár. Hér er um svipaðan fjölda umsókna að ræða og fyrir ári síðan en þá voru teknir inn 336 nemendur í stað 280 nú. Þessi fækkun stafar af því að heimildir skólans hafa verið skertar vegna fækkunar nemenda í framhaldsskólum. Það er alltaf sárt að þurfa að hafna góðum nemendum en vonandi eru allir, sem ekki komust í Verzló, sáttir við sinn varaskóla, enda eru allir framhaldsskólar landsins góður valkostur.
Eins og síðastliðið vor þá fengu nemendur einkunnir gefnar í bókstöfum: A, B+, B, C+, C og D við lok grunnskóla. Þegar umsóknir nemenda voru metnar þá var reiknaður út stigafjöldi fyrir hvern og einn umsækjanda þar sem notast var við tölur frá Menntamálastofnun, sbr. það sem sjá má hér að neðan:

A B+ B C+ C D
4 3,75 3 2,75 2 1

Þetta er eingöngu gert til að flýta fyrir úrvinnslu umsókna. Þær greinar sem voru skoðaðar voru stærðfræði, íslenska, danska (eða eitthvert annað Norðurlandamál), enska, samfélagsfræði og náttúrufræði. Stigafjöldi var síðan reiknaður út með eftirfarandi hætti: stærðfræði og íslenska fá tvöfalt vægi og síðan voru valdar tvær hæstu einkunnir af hinum fjórum. Allir nemendur með hærra en B í öllum greinum voru skoðaðir. Hámarksstigafjöldi var 24, þ.e. nemandi með A í öllum greinum og lágmarkstigafjöldi 18, þ.e. nemandi sem var með B í öllum greinum. Í mörgum tilvikum var erfitt að velja á milli nemenda og var þá eftirfarandi haft í huga: kynjahlutfall þátttaka í félagsstarfi einkunnir í öðrum greinum samræmd próf annað sem gat skipt máli varðandi umsóknina. Af þeim sem voru teknir inn voru 190 nemendur með 23 stig eða meira en 22 nemendur með færri en 22 stig. Umsækjendur komu frá 65 mismunandi grunnskólum á landinu en þeir sem voru teknir inn koma frá 61 grunnskóla. Tekið var inn á brautir og niðurstaðan var eftirfarandi:alþjóðabraut : 1 bekkur nýsköpunar- og listabraut: 1 bekkur náttúrufræðibraut: 5 bekkir viðskiptabraut: 4 bekkir Starfsfólk Verzlunarskólans óskar öllum ánægjulegs sumars.

13. jún. 2017 : Undirbúningsnámskeið í stærðfræði fyrir nýnema

Til þess að tryggja sem jafnastan undirbúning nemenda í stærðfræði verður boðið upp á sérstakt undirbúningsnámskeið (STÆ-Undirbúningur) fyrir nýnema.

Námskeiðið er í tveimur hlutum:

1. hluti: nemendur taka gagnvirkar kannanir á netinu fyrir miðvikudaginn 28. júní. Niðurstöður þeirra verða notaðar til að raða nemendum í hópa (niðurstöðurnar gilda ekki til einkunna, þær eru einungis tæki fyrir okkar til að reyna að mæta nemendum þar sem þeir eru staddir)

2. hluti: staðlota í húsnæði Verzlunarskólans (einungis fyrir þá sem ljúka 1. hluta tímanlega)

mán 14. ágúst kl: 9-12

þri 15. ágúst kl: 9-12

mið 16. ágúst kl: 13-16

Staðlotan endar á skriflegu prófi, þeir sem ná prófinu fá eina einingu fyrir námskeiðið

Námskeiðið verður í umsjá stærðfræðikennara skólans. Farið verður yfir brotareikning, þáttun, jöfnur og rúmfræði. Námskeiðið er valfrjálst en sem viðmið eru hér nokkur dæmi sem eru sambærileg þeim sem farið verður í á námskeiðinu. Svör við dæmunum má nálgast hér . Geti nemandi leyst dæmin með góðu móti er hann hugsanlega með næga færni og getur sleppt námskeiðinu.

Skráning fer fram á heimasíðu fjarnámsins . Athugið, að skráningu lokinni þarf að smella á hnappinn „staðfesta og senda inn umsókn“ og fær viðkomandi þá tölvupóst um leið. Síðasti dagur til að skrá sig á námskeiðið er mánudagurinn 26. júní. Námskeiðið er nemendum að kostnaðarlausu.

 

 

29. maí 2017 : Brautskráning

Brautskráning stúdenta frá Verzlunarskólanum fór fram laugardaginn 27. maí við hátíðlega athöfn í Háskólabíói. Að þessu sinni brautskráðust 264 nýstúdentar frá Verzlunarskólanum, 259 úr dagskóla og 5 úr fjarnámi. Útskriftarhópurinn samanstóð af 163 stúlkum og 101 piltum.

29. maí 2017 : Skólinn verður lokaður þriðjudaginn 30. maí vegna vorferðar starfsmanna

Skólinn verður lokaður þriðjudaginn 30. maí vegna vorferðar starfsmanna. Skólinn opnar aftur miðvikudaginn 31. maí kl:10:00

Síða 2 af 5