Nemendur skólans hafa aðgang að uppflettiritum Snöru frá staðarneti skólans. Nemendur sem kjósa að kaupa aðgang að Snöru heimavið geta fengið ársaðgang á aðeins 990 kr. Nemendur þurfa skrá sig inn á Snöru með Microsoft-innskráningu og skólanetfanginu. Opna Snöru, smella á „Innskráning“, smella á „Innskrá með Microsoft“ og skrá sig inn með skólanetfanginu.

Ýmsar spurningar hafa vaknað hjá bæði nemendum og forráðamönnum þeirra varðandi skólastarf í kjölfar fjöldatakmarkana og fjarlægðarreglu. Hér má sjá svör við algengum spurningum sem hafa komið upp síðustu daga eins og til að mynda hvernig geta nemendur haft samband við námsráðgjafa og hvað eiga nemendur að gera ef þeir þurfa að fara í sóttkví.

Skólinn hefur gefið út viðbragðsáætlun vegna Covid 19 sem segir fyrir um hvernig starfsmenn og nemendur eiga að bregðast við ef grunur er um smit. 

Frá og með mánudeginum 24. ágúst verður skrifstofa skólans opin milli 8:00 og 15:00, mánudag til föstudags. Þeim sem þurfa að hafa samband við skrifstofu skólans utan þess tíma er bent á netfangið verslo@verslo.is .

Kynning fyrir foreldra nýnema sem venjulega fer fram í Bláa sal verður með breyttu sniði í ár. Verið er að vinna að rafrænu kynningarefni sem sent verður á foreldra í næstu viku. Við biðjum foreldra að fylgjast vel með fréttum á heimasíðunni og gerast fylgjendur síðu skólans á Facebook.

Skólanum er skipt upp í 8 hólf vegna fjöldatakmarkana. Hvert hólf hefur sinn sérstaka inngang (og sama útgang) og það má ekki fara aðra leið inn í skólann en þá sem tilheyrir hólfinu. Aldrei eru fleiri en tveir bekkir saman í sóttvarnarhólfi. Hverjum bekk er skipt í tvær stofur og eru einungis 14 nemendur í hvorri stofu.

Vakin er athygli á að bóksalan verður með breyttu sniði í ár vegna fjöldatakmarkana og fjarlægðarreglu.

Sala á bókum og heftum til nýnema verður hluti af nýnemakynningunni á þriðjudaginn. Nemendur munu í lok kynningar koma við í bóksölu og er ætlast til þess að þeir gangi frá bókakaupum sínum þá.

Bóksala til nemenda á 2. og 3. ári fer fram á Marmara frá klukkan 17:00 til 20:00. Talið verður inn í bygginguna. 

Ágætu nýnemar.

Á morgun, þriðjudaginn 18. ágúst, verður sérstök kynning á skólanum fyrir ykkur.

Þrír bekkir koma í hús í einu og er gengið inn um stóru hurðina á íþróttahúsinu, gengt Kringlunni.

Í íþróttasalnum fáið þið stutta kynninga á skólanum og hittið umsjónarkennara ykkar. Við vekjum athygli á að tekin verður mynd af ykkur sem notuð verður í INNU. Í lok kynningarinnar komið þið við í bóksölu og þar er ætlast til þess að þið gangið frá bókakaupum.

Bekkir eiga að mæta samkvæmt eftirfarandi:

Bekkir A, B, D – mæta klukkan 9:00

Bekkir E, F, G – mæta klukkan 10:00

Bekkir H, I, R – mæta klukkan 11:00

Bekkir S, T U – mæta klukkan 13:00

Bekkir X, Y – mæta klukkan 14:00

Hlökkum til að sjá ykkur.

Vegna fjöldatakmarkana og fjarlægðarreglu verður bókasafnið lokað nemendum en nemendur geta samt sem áður fengið að láni öll bókasafnsgögn og full upplýsingaþjónusta verður í boði en með breyttu sniði.

Stundatafla nemenda er nú aðgengileg á INNU. Stundataflan er með breyttu sniði hvað varðar lengd kennslustunda og fjölda tíma í töflu í hverjum áfanga fyrir sig. Hver áfangi (fyrir utan lífsleikni og íþróttir) er með 2 tíma í töflu sem hvor um sig er 75 mínútur. Annar tíminn er skráður á stofu sem heitir HEIMA og þýðir það að viðkomandi tími verður kenndur í fjarkennslu. Hinn tíminn er skráður á tvær kennslustofur og þýðir það að viðkomandi tími verður kenndur í skólanum og nemendum bekkjarins verður skipt niður í þessar tvær kennslustofur. Þrátt fyrir þessar breytingar í stundatöflu er gert ráð fyrir að yfirferð á námsefni sé það sama og venjulega. Kennarar skipuleggja yfirferð og verkefnavinnu með þetta nýja fyrirkomulag í huga. Nemendur þurfa að vera sjálfstæðir í vinnubrögðum og nálgast viðfangsefni sín með opnum huga.

Nemendur á 3ja ári sjá nú valgreinar sínar í stundatöflunni. Fyrst um sinn verða valgreinar alfarið kenndar í fjarkennslu þar sem mikil blöndun nemenda er í þeim hópum.

Nú eru línur teknar að skýrast varðandi fyrirkomulag kennslu við upphaf haustannar 2020. Niðurstaðan er sérstök stundaskrá sem gerir ráð fyrir blandaðri kennslu. Annars vegar verður staðbundin kennsla í skólanum þar sem nemendur mæta í tíma hjá kennara í hverju fagi einu sinni í viku og hins vegar heimakennsla á móti. Stundataflan verður aðgengileg á INNU á mánudaginn og þá geta nemendur betur glöggvað sig á fyrirkomulaginu.

Til þess að framkvæmdin gangi eftir þurfa nemendur að taka á sig töluverða ábyrgð hvað sóttvarnir varðar og hlýða fyrirmælum. Skólanum hefur verið skipt upp í 7 hólf og þurfa nemendur að nota mismunandi innganga til þess fara í hvert hólf. Í hverju hólfi verða aldrei fleiri en tveir bekkir (ca. 50 nem.) og mega nemendur ekki fara yfir í önnur hólf. Hverjum bekk er svo skipt upp í tvær nærliggjandi stofur með viðeigandi uppröðun borða. Í hverri stofu verða um 14 nemendur.

Með þessu móti getur einn árgangur í einu mætt í staðbundna kennslu. Skólinn verður tvísetinn og mætir einungis einn árgangur í einu, ýmist fyrir eða eftir hádegi.

Athugið vegna undirbúningsvinnu við nýtt fyrirkomulag kennslu verða eftirfarandi breytingar:

Nýnemakynning fer fram þriðjudaginn 18. ágúst og mun taka mið af samkomutakmörkunum. Nemendur fá frekari upplýsingar sendar í tölvupósti á skólanetfangið sitt á mánudaginn.

Kennsla hefst samkvæmt stundaskrá miðvikudaginn 19. ágúst hjá öllum árgöngum.