Bekkur mánaðarins

Í anda þeirra gilda sem skólinn starfar eftir verður í hverjum mánuði valinn bekkur sem þykir vera til fyrirmyndar. Við val á bekk mánaðar er meðal annars horft til:

– Námsástundun, þ.e. vinnusemi í tímum (hæfni).
– Mætingar. (ábyrgð).
– Umgengni um stofuna, flokkun á rusli o.fl. (ábyrgð/virðing).
– Framkomu nemenda við kennara og aðra starfsmenn (virðing).
– Samskipti innan bekkjar (vellíðan).
– Ýmislegt fleira kemur síðan til greina sem gerir bekkinn verðugan til að fá titilinn Bekkur mánaðarins.

Tilnefningar koma frá starfsmönnum og eru verðlaunin frí máltíð í Matbúð fyrir alla í bekknum. Vonandi verður þetta hvatning til nemenda um að standa sig vel sem heild og vera til fyrirmyndar.

Bekkur septembermánaðar er 5-A. Bekkurinn gengur vel um stofuna sína og mæting er góð. Nemendur eru jákvæðir til vinnu og öll samskipti við þá eru þess eðlis að kennarar njóta samverunnar með þeim.