Ferð til Katalóníu á Spáni

Dagana 22.–29. september fóru níu spænskunemendur á öðru ári í heimsókn til Torredembarra í Katalóníu á Spáni. Nemendurnir, sem læra spænsku sem þriðja mál, dvöldu hjá spænskum fjölskyldum og fengu þannig að kynnast tungumáli og menningu Spánar á einstakan hátt.

Á meðal þess sem hópurinn tók sér fyrir hendur var að sækja spænska skólann með gestgjöfum sínum og heimsækja merkilega staði á svæðinu, svo sem Montserrat-klaustrið, þorpið Poblet og Ebro-svæðið. Nemendurnir fengu einnig að upplifa eina helstu hátíð Katalóníu, Santa Tecla, sem haldin er með miklum hátíðarbrag í Tarragona.

Ferðin var hluti af samstarfsverkefni milli skólanna og var liður í því að endurgjalda heimsókn spænsku nemendanna til Íslands í vor. Ferðin heppnaðist afar vel í alla staði – þó með þeirri undantekningu að hópurinn varð strandaglópur á Spáni og Ítalíu þann 29. september þegar flugfélagið Play fór í þrot og aflýsti öllum flugum, þar á meðal fluginu heim til Íslands.

Í ferðinni tóku þátt eftirfarandi nemendur:
Valdimar Ísfeld (2-Y)
Lárus Grétar (2-Y)
Emilía Sigrún (2-F)
Sólveig Kristín (2-Y)
Hrafnkell Orri (2-D)
Íva Jovisic (2-T)
Elísabet Ólafsdóttir (2-T)
Ásrún Hanna (2-T)
Ísak Eldar (2-I)