09.03.2023 Foreldrakvöld þriðjudaginn 21. mars 2023 Foreldraráð minnir á foreldrakvöldið þriðjudaginn 21. mars 2023 í bláa salnum í Verzlunarskólanum. Mæting hefur verið mjög góð undanfarin ár þar sem foreldrar hittast, fræðast um mál sem tengjast ungmennum og eiga skemmtilega kvöldstund. Dagskrá kvöldsins: 19:30-20:15 Hinsegin 101 20:15-20:30 Femínistafélag Versló 20:30-20:45 Kaffipása 20:45-21:15 Saga Garðars – uppistand Nánari dagskrá: Lilja Ósk Magnúsdóttir frá Samtökum ’78. Hinsegin 101 er grunnur að hinseginleikanum, þar er fjallað um kynhneigð, kynvitund, kyneinkenni og kyntjáningu. Farið er yfir helstu grunnhugtök og orðanotkun tengda hinseginleikanum og fjallað um starf Samtakanna ’78. Femínistafélagið sér til þessa að halda uppi umræðu um femínisma og jafnréttismál innan veggja skólans. Nefndin hefur ritskoðað allt efni sem NFVÍ gefur út og hengt upp fræðsluplaggöt. Saga Garðarsdóttir, leikari og handritshöfundur. Sögu þarf varla að kynna sem skemmtilega konu þar sem hún kemur reglulega fram sem uppistandari og meðlimur spunahópsins Improv Ísland sem hefur verið með reglulegar sýningar í Þjóðleikhúskjallaranum frá haustinu 2015.