24.09.2026 Nemendur frá Svíþjóð í heimsókn í Verzló Þann 23. september kom hópur nemenda frá Sandbackaskolan í Arvidsjaur í Svíþjóð í heimsókn í Verzlunarskólann. Nemendurnir tóku þátt í vinnustofum þar sem meðal annars var fjallað um norrænt samstarf og Evrópumál og tungumál landanna borin saman. Að lokum hittu þau nemendur á öðru ári á alþjóðabraut og áttu með þeim gott spjall. Erasmus+ Heimsóknin var hluti af Erasmus+ samstarfi sem Verzlunarskólinn tekur þátt í og gaf nemendum skólanna tækifæri til að kynnast og skiptast á hugmyndum og reynslu.