Nemendur gistu í nemendakjallaranum
-
Viktor, Aron Gauti, Guðmundur og Aron Ísak gistu í nemendakjallaranum. -
Borðið svignar undan kræsingum. -
Góðgerðarráð: Katrín, Kolfinna, Embla Guðný, Birta Rún, Rósa Guðbjörg, Andrea Ösp, Ingunn, Elísa og Anna. Á myndina vantar Aðalheiði Brögu. -
Oliver Orri og Marta Dan fengu sér V89 tattoo. -
V89 tattoo-ið -
Tvíburarnir Danni og Halli klæddust leðurjökkum. -
Gummi og Elli stóðu sig vel sem starfsmenn í Matbúð. -
Ingunn, Yrsa og Tinna gengu alla leiðina í skólann frá Kjalarnesi, samtals 25 km. -
Stelpurnar komnar í skólann. -
Sóllilja glæsileg með bleikt hár.
Í síðustu viku fór árleg góðgerðarvika fram þar sem fé var safnað til styrktar börnum í Úkraínu. Nemendur lögðu ýmislegt á sig til að leggja málefninu lið og framkvæmdu ýmiskonar áskoranir og margir hverjir fóru út fyrir þægindarammann. Til að mynda gistu nokkrir drengir á þriðja ári alla vikuna í nemendakjallara skólans. Þá komu tveir nemendur sér fyrir í Matbúð þar sem þeir unnu heilan skóladag við afgreiðslu og undirbúning á matnum. Stúlka á öðru ári var á hjólaskautum í heilan dag og þrjár aðrar stúlkur gengu alla leiðina í skólann frá Kjalarnesi, samtals 25 km. Tveir nemendur á þriðja ári fengu sér tattoo og einn nemandi litaði hárið á sér bleikt.
Á Marmaranum var einnig happdrætti, lukkuhjól og sala á gómsætum veitingum. Söfnunin gekk vel og er enn í gangi en samtals hafa nú safnast kr. 819.241.
Það er um að gera að styrkja þetta góða málefni með því að aura á @gvi eða leggja inn á reikning góðgerðarvikunnar kt. 441079-0609 reikningsnúmer: 0515-26-2591.
Góðgerðarvikan í ár var í samstarfi við Bláa lónið og Cintamani.
Starfsmenn skólans eru afar stoltir af þessu flotta verkefni nemenda.