Sex fyrrverandi nemendur VÍ fengu styrk úr Afreks- og hvatningarsjóði stúdenta HÍ

Á mánudaginn síðastliðinn tóku sex fyrrverandi nemendur Verzlunarskólans, þau Ómar Ingi Halldórsson, Elísa Sverrisdóttir, Klara Margrét Ívarsdóttir, Margrét Rán Rúnarsdóttir, Sigurbjörg Guðmundsdóttir og Stefán Þór Sigurðsson, við styrkjum úr Afreks- og hvatningarsjóði stúdenta Háskóla Íslands. Styrkir eru veittir nýnemum við Háskóla Íslands sem náð hafa framúrskarandi árangri í námi til stúdentsprófs og jafnframt látið til sín taka á öðrum sviðum, svo sem í félagsstörfum í framhaldsskóla eða listum og íþróttum.

Verzlunarskólinn óskar þeim til hamingju.