Skólasetning nýnema

Þann 18. ágúst næstkomandi er skólasetning nýnema í hátíðarsal skólans (Bláa sal) á 2. hæð klukkan 10:00.

Þar fá nemendur kynningu á skólanum ásamt því að hitta umsjónarkennara sína. Einnig verður tekin einstaklingsmynd af hverjum og einum sem notuð verður á INNU. Gera má ráð fyrir að kynningin taki um tvo tíma. Að henni lokinni geta nemendur keypt bækur í bóksölunni sem staðsett er á bókasafni skólans (4. hæð) og nýtt sér tölvuaðstoð á Marmaranum.

Mikilvægar upplýsingar fyrir nýnema:

• Stundatöflur eru aðgengilegar á INNU. Til að komast á INNU eru notuð rafræn skilríki. Athugið að stundatöflur geta breyst lítilega fyrstu dagana.
• Nemendur sjá núna bekkinn sinn á INNU. Við höfum þegar fengið óskir um bekkjarskipti en við færum engan á milli bekkja  eða hópa í þriðja tungumáli. Námsráðgjafar taka á móti óskum um bekkjaskipti sem verða skoðuð í lok annar.
• Bókalistar eru aðgengilegir á INNU undir áföngunum en einnig er hægt að nálgast heildarlista á heimasíðu skólans.
• Bóksala fer fram á bókasafni skólans og hægt verður að kaupa bækur eftir kynninguna og síðan fyrstu þrjá skóladagana.
• Við hvetjum nýnema til að koma með fartölvuna sína í skólann á þriðjudaginn. Tölvuaðstoð verður í boði á Marmaranum og gott er að tengjast neti skólans og prófa að fara inn á svæðið sitt áður en kennsla hefst.
• Lykilorð fyrir tölvukerfi skólans verður sent til nýnema á einkanetföngin í lok þessarar viku. Það er lykilorðið sem þið notið til að tengjast netinu og komast á svæðið ykkar.
• Allir nemendur fá @verslo.is netfang sem þeir nota á meðan þeir eru í skólanum. Allar upplýsingar frá skólanum fara á þessi netföng.
• Við hvetjum nemendur til að kíkja reglulega á heimasíðu skólans, einnig er skólinn á Facebook og Instagram.
• Gagnlegar upplýsingar fyrir nýnema má finna hér á heimasíðu skólans.