24.01.2024 Verzlingar í Héraðsdómi Nemendur 3. bekkjar H fylgdust í gær með skýrslutökum í héraðsdómi, en málið varðaði lögmæti boðunar til aðalfundar í almennu félagi og hvort þær ákvarðanir sem þar höfðu verið teknar væru þar með lögmætar. Sitthvað áhugavert kom fram við skýrslutökurnar. Býsna þröngt var í réttarsalnum en dómari og þingvörður náðu samt að koma öllum gestunum vel fyrir. Þessi heimsókn fór fram í kennslustund í lögfræði en lögmennirnir höfðu fyrir málflutninginn leyft nemendum að kynna sér stefnu, greinargerð og önnur málskjöl. Nemendur og kennari færa dómara, dómverði og lögmönnum kærar þakkir fyrir góðar móttökur.