BÓKF1BR05

• Bókfærsluhluti áfangans byggist á verkefnavinnu nemenda, dæmatímum og fyrirlestrum.
• Til að byrja með vinna nemendur verkefnin í dagbók til að ná undirstöðuatriðum bókfærslunnar og temja sér rétt vinnubrögð.
• Kennd er gerð einfalds efnahags- og rekstrarreiknings og farið yfir gerð reikningsjafnaðar með einföldum athugasemdum.
• Öll verkefnin unnin í Excel. Kennslustundirnar eru að mestu verklegar, þ.e. að nemendur vinna sjálfstætt og í hópum.
• Lögð er áhersla á að nemendur skilji hugsunina á bak við tvíhliða bókhald, læri að færa inn dagbókarfærslur viðkomandi tímabils og geti svo gert upp viðkomandi tímabil.
• Rekstrarhagfræðihluti áfangans byggist einnig mikið á verkefnavinnu en líka fyrirlestrum og umræðum.
• Lögð er áhersla á útreikning og túlkun efnisins.
• Í áfanganum er nemendum gerð grein fyrir mismunandi tegundum kostnaðar, tekjum og afkomu, útreikningar á núllpunkti og gerð einfaldra fjárhagsáætlana. 

Námsmat áfangans byggir á skilaverkefnum nemenda, skyndiprófum og lokaprófi.

Nemandi skal hafa öðlast þekkingu og skilning á:

• Grunnhugtökum bókfærslu. 

• Helstu kostnaðar- og tekju hugtökum rekstrarhagfræðinnar. 

• Einfaldri áætlanagerð. 

• Hvernig tvíhliða bókhald virkar. 

Nemandi skal hafa öðlast leikni í að:

• Setja fram tvíhliða bókhald. 

• Færa einfalt uppgjör. 

• Setja fram einfaldan efnahags- og rekstrarreikning. 

• Reikna út kostnað, tekjur, afkomu og núllpunkt. 

• Gera einfaldar rekstrar- og greiðsluáætlanir auk áætlaðan efnahagsreikning. 

Nemandi skal geta hagnýtt þá almennu þekkingu og leikni sem hann hefur aflað sér til að:

• Gera upp viðskipti fyrir ákveðið tímabil.

• Stilla upp prófjöfnuði. 

• Gera einfaldar lokafærslur fyrir uppgjör. 

• Útfæra einfaldar launafærslur. 

• Búa yfir skilningi á mismunandi kostnaði fyrirtækja. 

• Skilja samhengi í rekstri fyrirtækja og mikilvægi áætlanagerðar. 

• Skilja og túlka tölulegar upplýsingar sem varða rekstur fyrirtækja. 

• Gera sér grein fyrir verðmætasköpun fyrirtækja.