ÍSLE2RM06

• Í áfanganum er mikil áhersla lögð á lestur og tjáningu í ræðu og riti. Nemendur lesa eina skáldsögu á önninni. Kenndur er frágangur ritaðs máls og notkun hjálpargagna svo sem handbóka og orðabóka. Mikil áhersla er lögð á tölvunotkun í vinnslu og skilum verkefna.
• Nemendur eru þjálfaðir í setningafræði þar sem þeir greina og glöggva sig á skiptingu texta í setningar og setningarliði.
• Gerð er grein fyrir reglum um greinarmerki og nemendur þjálfaðir í notkun þeirra.
• Fjallað verður um sögu máls og menningar frá frumnorrænum tíma til okkar daga. Farið verður yfir sögu íslensks máls og skyldleika við önnur tungumál og helstu hljóð- og málbreytingar íslenskunnar í fyrirlestrum, umræðum og með töflukennslu auk verkefnavinnu og ritunarverkefna.
• Unnin verða ýmis hagnýt verkefni í tengslum við málnotkun; beygingar, orðaforða, orðtök o.fl.
• Stafsetningarupplestrar eru reglulega og nemendur þjálfaðir í stafsetningu.
• Markviss þjálfun í tjáningu er ein kennslustund á viku. Áhersla er lögð á framsögn við ýmiss konar tækifæri. Þá er einnig áhersla lögð á að styrkja sjálfstraust nemenda.

Námsmat er byggt á vinnu nemenda yfir önnina, skyndiprófum, ritunarverkefnum, tjáningarverkefnum, stafsetningu og öðrum verkefnum sem og lokaprófi.

Nemandi skal hafa öðlast þekkingu og skilning á:

• Helstu þáttum íslenskrar málsögu.

• Helstu hugtökum setningafræði og reglum um greinarmerki.

• Helstu grunnhugtökum í ritgerðasmíð.

• Málfræðihugtökum og ritreglum sem nýtast í tal- og ritmáli.

• Orðaforða sem nægir til að skilja íslenskt nútímamál í ræðu og riti.

• Upplýsingatækni sem nýtist honum í ritun og notkun ýmissa hjálpargagna.

Nemandi skal hafa öðlast leikni í að:

• Nota upplýsingatækni markvisst við frágang ritsmíða.

• Nýta málfræðihugtök og málfræðilegar upplýsingar til að efla eigin málfærni.

• Skilja og nota algeng stílbrögð í tal- og ritmáli.

• Flytja af öryggi ræður, endursagnir, lýsingar og kynningar á tileknum málefnum.

• Nota bókmenntahugtök á ýmsa texta.

• Réttritun eftir upplestri.

Nemandi skal geta hagnýtt þá almennu þekkingu og leikni sem hann hefur aflað sér til að:

• Vinna að skapandi verkefnum í tengslum við námsefnið og sýna tilbrigði í málnotkun.

• Styrkja eigin málfærni og nám í erlendum tungumálum, til dæmis með því að nýta málfræðihugtök íslenskunnar.

• Beita skýru, lýtalausu og blæbrigðaríku máli í ræðu og riti og geta nýtt það við hin ýmsu hjálpargögn á netinu og tölvuforrit.

• Taka þátt í málefnalegum umræðum, byggja upp skýra röksemdafærslu, tjá afstöðu og efasemdir um efnið og komast að niðurstöðu.

• Túlka texta þó merkingin liggi ekki á yfirborðinu.