MARK1GA03

Farið er í undirstöðuatriði markaðsfræðinnar og fjallað um hvernig hugmyndafræðin er notuð til þess að markaðssetja vörur og þjónustu. Sérstaklega er fjallað um rekstrar- og samkeppnisumhverfi og fjallað um hvernig fyrirtæki geta brugðist við þeim breytingum sem eiga sér stað í alþjóðlegu umhverfi fyrirtækja. Fjallað er um mismundandi aðferðir sem fyrirtæki beita við markaðshlutun og val á markhópum. Einnig er fjallað um kauphegðun neytenda, vörur og vöruþróun, ásamt því að skoða líftíma vöru og vörumerkjastjórnun.

Nemandi skal hafa öðlast þekkingu og skilning á:

• Tilgangi og hugmyndafræði markaðsfræðinnar og þýðingu markaðsstarfs fyrir fyrirtæki og samfélag.

• Mismunandi afstöðu fyrirtækja til markaðarins.

• Söluráðunum; vara, verð, kynning og dreifing.

• Helstu þáttum í ytra umhverfi fyrirtækja.

• Helstu hugmyndum um kaupvenjur á neytendamarkaði og fyrirtækjamarkaði.

• Markhópagreiningu, markaðsmiðun og markaðshlutun.

• Helstu hugtökum og hugmyndum varðandi vöru, vöruþróun og líftíma vöru.

• Mörkun og þróun vörumerkja.

Nemandi skal hafa öðlast leikni í að:

• Beita grunnhugtökum markaðsfræðinnar við verkefnavinnu.

• Ræða hugmyndir markaðsfræðinnar.

• Koma þekkingu sinni varðandi markaðstengd viðfangsefni á framfæri.

• Geta leyst raunhæf verkefni (case) í markaðsfræði.

Nemandi skal geta hagnýtt þá almennu þekkingu og leikni sem hann hefur aflað sér til að:

• Beita hugtökum markaðsfræðinnar í starfi.

• Meta siðferðileg álitamál sem varða markaðssetningu.

• Heimfæra hugmyndir markaðsfræðinnar á eigið líf.

• Nýta hæfni sína til starfa við einföld markaðsmál.

• Gera markhópagreiningu fyrir einstakar vörur.

• Miðla vitneskju sinni um markaðsmál til annarra.