MARK2GB03

Byrjað er á því að skoða sérstaklega markaðssetningu þjónustu. Einnig verður farið í kynningarmál og skoðaðar helstu aðferðir við að koma vörum á framfæri með fjölbreyttum aðferðum, bæði fjölkynningar og bein markaðssetning. Skoðaðar verða helstu dreifileiðir fyrirtækja og hvernig fyrirtæki koma vörum sínum á markað. Sérstaklega er farið i stafræna markaðssetningu, mikilvægi og framkvæmd hennar.

MARK1GA03.

Nemandi skal hafa öðlast þekkingu og skilning á:

• Helstu leiðum við markaðssetningu þjónustu.

• Helstu kynningarleiðum og mikilvægi kynningarmála.

• Stjórnun dreifileiða.

• Mikilvægi og helstu leiðum í stafrænni markaðssetningu.

Nemandi skal hafa öðlast leikni í að:

• Beita grunnhugtökum markaðsfræðinnar við verkefnavinnu.

• Koma þekkingu sinni varðandi markaðstengd viðfangsefni á framfæri.

• Geta leyst raunhæf verkefni (case) í markaðsfræði.

• Finna út hagkvæmustu dreifileiðir.

• Vinna með stafræna markaðssetningu.

Nemandi skal geta hagnýtt þá almennu þekkingu og leikni sem hann hefur aflað sér til að:

• Beita hugtökum markaðsfræðinnar í starfi.

• Meta siðferðileg álitamál sem varða markaðssetningu.

• Heimfæra hugmyndir markaðsfræðinnar á eigið líf.

• Nýta sér hæfni sína til frekara náms í markaðsfræði.

• Nýta hæfni sína til starfa við einföld markaðsmál.

• Geta markhópagreiningu fyrir einstakar vörur.

• Miðla vitneskju sinni um markaðsmál til annarra.

• Nýta kunnáttu til stafrænnar markaðssetningar.