SÁLF1SD03

Í áfanganum er sálfræðin kynnt sem fræðigrein og farið í valdar stefnur og kenningar. Nemendur fá innsýn í fjölbreytileika sálfræðinnar og kynnast helstu starfssviðum sálfræðinga. Fjallað verður almennt um geðheilbrigði út frá sálfræðilegum kenningum, hvað einkennir góða heilsu og algengustu geð- og persónuleikaraskanir og meðferðarúrræði við þeim. Nemendur kynnast jákvæðri sálfræði sem fræðigrein, helstu hugtökum og viðfangsefnum og hvernig þeir geta nýtt aðferðir hennar í daglegu lífi.

Nemandi skal hafa öðlast þekkingu og skilning á:

• Völdum stefnum og kenningum í sálfræði.

• Hversu fjölbreytt fræðigreinin sálfræði er, helstu undirgreinum hennar og starfssviðum sálfræðinga.

• Hvað felst í hugtakinu geðheilbrigði og hvaða leiðir eru til að bæta það.

• Helstu geð- og persónuleikaröskunum, orsökum þeirra og meðferðum.

• Helstu hugtökum og viðfangsefnum jákvæðrar sálfræði.

Nemandi skal hafa öðlast leikni í að:

• Lesa í og skilja umfjöllun um helstu viðfangsefni sálfræðinnar.

• Skoða sína eigin hegðun og hegðun annarra út frá grundvallarhugmyndum sálfræðinnar.

• Beita þeim leiðum sem stuðla að andlegu heilbrigði og fjallað er um í áfanganum.

• Beita upplýsingatækni við þekkingarleit.

• Beita gagnrýninni hugsun.

Nemandi skal geta hagnýtt þá almennu þekkingu og leikni sem hann hefur aflað sér til að:

• Geta með einföldum hætti yfirfært sálfræðilega þekkingu á eigin sjálfsmynd.

• Tjá sig skipulega og gagnrýnið um einstaka efnisþætti.

• Afla sér upplýsinga, greina helstu atriði þeirra og hagnýta sér.

• Beita þekkingu sinni til að efla og verja eigin geðheilsu.

• Þekkja eigin styrkleika og setja sér raunhæf markmið.