SAMS1SF03

Markmið áfangans er að nemendur tileinki sér aðferðir til þess að stuðla að auknu sjálftrausti og læri aðferðir til þess að vaxa í starfi sem sölumenn. Nemendur læra ýmsar aðferðir til þess að efla sjálfstraust og kynnast helstu aðferðum jákvæðrar sálfræði. Nemendur setja sér persónuleg markmið sem stuðla að vexti í náminu og undirbúa þá fyrir störf í sölu og þjónustu. Nemendur velta fyrir sér hvað það er sem hefur mest áhrif á sjálfstraust okkar eins og t.d. hugarfar, viðhorf og sjálfstyrkjandi hugsanir. Einnig hvað á að varast eins og t.d. að forðast hugsanagildrur. Nemendur hitta kennara námskeiðsins í markþjálfunarviðtali við upphaf námskeiðsins þar sem þeir skoða sett markmið í fyrri áfanga og setja sér nýtt markmið sem þeir ætla að vinna að gegnum námskeiðið.

Nemandi skal hafa öðlast þekkingu og skilning á:

• Aðferðum til þess að efla sjálfsöryggi.

• Helstu aðferðum markþjálfunar.

• Helstu aðferðum jákvæðrar sálfræði.

• Á SMART-líkaninu.

• Spurningatækni.

• Mikilvægi þess að mynda traust.

Nemandi skal hafa öðlast leikni í að:

• Koma fram af öryggi.

• Beita árangursríkri sölutækni.

• Snúa neikvæðum samskiptum yfir í jákvæð.

• Setja sér markmið.

• Beita spurningatækni.

• Að hafa áhrif.

Nemandi skal geta hagnýtt þá almennu þekkingu og leikni sem hann hefur aflað sér til að:

• Að þekkja sig og kosti sína.

• Mynda traust.

• Tjá sig á skilvirkan hátt.

• Auka sölu.

• Tileinka sér jákvætt hugafar.

• Forðast hugsanagildrur.

• Setja sér markmið út frá SMART-líkaninu.