STÆR2MM05

• Í áfanganum er mest unnið með hnitakerfið.
• Byrjað er með mengjum og mengjaaðgerðum og síðan er farið í ójöfnur, algildisjöfnur og 2. stigs jöfnur.
• Aðgerðir á margliðum s.s. deiling margliða og síðan er unnið sérstaklega með beinu línuna og fleygboga.   

STÆR2PÞ05.

Nemandi skal hafa öðlast þekkingu og skilning á:

• Mengjum og grunnaðgerðum mengja.  

• Talnalínunni, algildi og biltáknum.  

• Liðun og þáttun margliða.  

• Rétthyrndu hnitakerfi í sléttum fleti.  

• Jöfnu línu, annars stigs jöfnum, algildisjöfnum, línulegum og annars stigs ójöfnum.  

• Margliðum: skilgreining, deiling, núllstöðvar og formerki.  

• Jöfnu fleygboga.  

• Merkingu og tengsl hugtaka í námsefninu . 

Nemandi skal hafa öðlast leikni í að:

• Skilja að stærðfræðin hefur eigin framsetningarmáta.  

• Tjá sig um aðferðir sínar bæði í rituðu og mæltu máli og vera læs á texta sem inniheldur stærðfræðitákn og hugtök.  

• Vinna með grunnaðgerðir mengja.  

• Kunna að fara með talnamengin N,Z,Q,R.  

• Finna lausnir annars stigs jafna.  

• Vinna í rétthyrndu hnitakerfi í sléttum fleti.  

Nemandi skal geta hagnýtt þá almennu þekkingu og leikni sem hann hefur aflað sér til að:

• Setja sig inn í og túlka útskýringar og röksemdir annarra af virðingu og umburðarlyndi án fordóma.  

• Skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega í mæltu máli og myndrænt.  

• Vinna á skilmerkilegan hátt með hugtök námsefnisins.  

• Beita gagnrýninni og skapandi hugsun við lausn verkefna.  

• Beita skipulegum aðferðum við að leysa verkefni og setja upp jöfnur.  

• Klæða verkefni í stærðfræðilegan búning, leysa þau og túlka lausnina.  

• Fylgja og skilja röksemdir í mæltu máli og í texta og sanna ákveðnar reglur.  

• Beita einföldum samsettum röksemdum .