ÞÝSK1ÞB05

• Áfanginn er framhaldsáfangi og flokkast undir A1 skv. evrópska tungumálarammanum.
• Lögð er áhersla á 4 færniþætti tungumálakennslu: hlustun, lestur, tal og ritun.
• Markmiðið er að nemandi skilji flóknari orðasambönd um sig og umhverfi sitt.
• Að nemandi geti tekið þátt í einföldum samræðum og skrifað stutta, einfalda texta.
• Nemendur nota grunnbækur, lesbók og vinnubók. Einnig lesa þeir stuttar sögur og syngja.
• Notað er myndefni þar sem nemendur fá kynningu á landi og þjóð. Verkefni eru ýmist einstaklings- eða hópverkefni.
• Lögð er áhersla á notkun upplýsingatækni.

Í lok áfangans er skriflegt og munnlegt próf úr efni áfangans sem gildir á móti vinnu og ástundun nemandans á önninni.

ÞÝSK1ÞA05 (fyrsti áfangi).

Nemandi skal hafa öðlast þekkingu og skilning á:

• Þeim orðaforða sem nauðsynlegur er til að mæta markmiðum áfangans.

• Völdum grundvallarþáttum málkerfisins.

• Menningu, samskiptavenjum og siðum þýskumælandi þjóða.

• Uppbyggingu texta og muninum á töluðu og rituðu máli.

Nemandi skal hafa öðlast leikni í að:

• Skilja talað mál um kunnugleg efni þegar talað er skýrt.

• Lesa og greina texta sem innihalda algengan orðaforða.

• Taka þátt í einföldum samræðum og tjá sig um efni sem hann þekkir.

• Tjá sig á einfaldan hátt með því að beita orðaforða, málvenjum og framburði.

• Skrifa stuttan, einfaldan texta um þekkt efni með viðeigandi málfari.

• Fara eftir grundvallarreglum um ritað mál.

Nemandi skal geta hagnýtt þá almennu þekkingu og leikni sem hann hefur aflað sér til að:

• Skilja meginatriði margvíslegra texta og greina einfaldar upplýsingar.

• Skilja talað mál um kunnugleg efni.

• Tjá sig munnlega og skriflega á einfaldan hátt.

• Skrifa samantekt á tilteknu efni eða skrifa um áhugamál og sitt nánasta umhverfi.

• Takast á við ýmsar aðstæður í almennum samskiptum.

• Nota upplýsingatækni og hjálpargögn í tungumálinu.