SAGA2MS05

Farið er yfir helstu þætti í sögu Evrópu og til nútímans. Napóleon og byltingin í Frakklandi er upphafspunktur en síðan er litið til afleiðinga Napóleonsstyrjalda, ekki síst á Ísland. Þá er saga 19. aldar rakin og hugað að þjóðernisstefnunni og síðar öðrum hugmyndastefnum sem komu fram á öldinni. Einnig sameining Ítalíu og Þýskalands sem undanfari stórstyrjalda 20. aldar og nýlendukapphlaup stórveldanna. Á 20. öldinni er athyglinni beint að fyrri heimsstyrjöldinni, millistríðsárunum og kreppunni miklu 1929. Sjónum er einnig beint að helstu þáttum í íslenskri sögu á 19. öld og í byrjun 20. aldar og hvernig erlendir atburðir hafa áhrif á hana.

Að nemendur:

• Hafi þekkingu og skilning á sögu síðustu alda og þeim miklu breytingum sem átt hafa sér stað í sögu mannkyns frá 19. öld og fram undir miðja 20. öld. Nemendur þekki og skilji  aðdraganda og afleiðingar fyrri heimsstyrjaldarinnar og þeirra hugmynda sem koma fram á sviði stjórnarhátta og þjóðfélagsmála, sem setja svip sinn með sterkum hætti á nútímann. 
• Kunni skil á framþróun í okkar heimshluta síðustu aldir og tengslum hans við aðrar heimsálfur, og hafi glögga sýn á helstu þætti í sögu tuttugustu aldar. Einnig að nemendur skilji hvernig atburðir erlendis hafa áhrif á Ísland og Íslendinga.
• Geti metið gildi og áreiðanleika heimilda, gert sér grein fyrir ólíkum sögulegum skýringum, tekið þátt í skoðanaskiptum og metið ólík sjónarhorn sögulegra álitamála. 
• Geti komið á framfæri þekkingu sinni og skilningi á sögulegri þekkingu.
• Öðlist lifandi áhuga á sögu og þátttöku í þjóðfélagsumræðu.

Gagnvirkar æfingar gilda 40% og skriflegt lokapróf gildir 60%.

• Námsefnið spannar tímabilið frá frönsku byltingunni og fram á 20. öld. Kennslubók áfangans er rafbókin Íslands- og mannkynssaga NBII eftir Margréti Gunnarsdóttur og Gunnar Þór Bjarnason. Vefbók sem keypt er á netinu.