SAGA 3MH 05 - Samtímasaga

Áfanginn er framhald af SAGA2MS05 (eða sambærilegum áfanga)

Áfangalýsing

Áfanginn fjallar um tímabilið 1945-2020 og samtvinnar bæði Íslands- og mannkynssögu. Meðal viðfangsefna eru Kalda stríðið, góðærisskeið eftirstríðsáranna á Vesturlöndum, ýmsir straumar og stefnur í samfélögum þessa tíma, s.s. kvenréttindabaráttan og baráttan fyrir réttindum minnihlutahópa og æskulýðsbyltingin. Ítarlega er fjallað um sjálfstæðisbaráttu nýlendnanna og þróun mála á Íslandi, í Evrópu, miðausturlöndum, Kína, Bandaríkjunum og Indlandi síðustu áratugi. Að lokum eru teknar fyrir ýmsar áskoranir og álitaefni, pólitísk og ópólitísk, sem heimurinn stendur frammi fyrir í dag.

Efnisþættir og hugtök

Hugtök: Staða Íslands í alþjóðasamfélaginu, kynþáttafordómar, jafnrétti, þjóðernishreinsanir, þjóðríkið, milliríkjasamtök og yfirþjóðlegar stofnanir, alþjóðleg samvinna, jöfn og misjöfn skipting lífsgæða, stjórnskipun, forsetaræði, valdmörk stjórnmálamanna, kosningar og kosningafyrirkomulag.

Námsmat

 

• Tvö rafræn annarpróf sem gilda hvort um sig 20%, samtals 40%.
• Skil á tveimur spurningaverkefnum sem gilda samtals 10%.
• Heimildaritgerð sem gildir 35%.
• Verkefni um kvikmynd sem gildir 15%.

Námsgögn

• Bókin sem við notum heitir Íslands og mannskynssaga NBII og fæst einungis sem netbók á eftirarandi slóð:
  https://islands-ogmannkynssaga2.vefbok.forlagid.is/
  Hún er skrifuð af Gunnari Þór Bjarnasyni og Margréti Gunnarsdóttur og gefin út af Forlaginu.